Murat Áıtenov turǵyndarmen kezekti tikeleı efırde júzdesti

Shymkent qalasynyń ákimi Murat Áıtenov turǵyndarmen kezekti tikeleı efırde júzdesip, tolǵandyrǵan saýaldaryna jaýap berdi. Qala ákimi bul joly bilim berý uıymdarynyń jańa oqý jylyna daıyndyǵynan habardar etti.

Shymkent qalasynda 2021-2022 jańa oqý jyly 1 qyrkúıekte dástúrli formatta bastalady. Bilim berý uıymdarynyń sany – 785, bilim alýshylar – 349 814. 1-synypqa 25 005 bala qabyldandy. Bilim qory arqyly 57 466 balaǵa bir rettik 30 000 teńge qarjylaı kómek beriledi.

Qala ákimi bilim berý mekemelerindegi sanıtarlyq-epıdemıologııalyq sharalarǵa toqtalyp ótti. Qalada 785 mekeme 100 % «Ashyq» júıesine qosylyp, pedagogter men tehnıkalyq personaldar 100 % vaksınalandy. 526 balabaqsha, 203 mektep jáne 32 kolledj «Ashyq» jobasyna qosyldy.

Bul rette birqatar eskertýlerdi atap ótken jón. Balabaqshalarda tárbıelenýshi aýyrǵan jaǵdaıda top jabylady. Ata-analar aýyrǵan jaǵdaıda balalar balabaqshaǵa barmaıdy.

Mektepte bilim alýshy aýyrǵan jaǵdaıda synyp qashyqtyqtan oqytýǵa jiberiledi. Naýqas jáne baılanysta bolǵan ata-analar jaǵdaıynda balalar qashyqtyqtan bilim alady. Bógde adamdarǵa kirýge tyıym salynady. Bir synyp – bir kabınet talaptary saqtalady. Al kolledjderde pedagogter, qyzmetkerler, 18 jastan asqan stýdentter 100 % vaksınalaýdan ótýde.

Sondaı-aq, shahar basshysy bilim berý uıymdarynyń ınfraqurylymmen qamtylý jáne jylý maýsymyna daıyndyǵyna toqtalyp ótti. Atap aıtqanda, qyrkúıek aıyna 15 jekemenshik mektep paıdalanýǵa beriledi. Qalǵan 4-ýi jyl sońynda. Bıyl 4 nysan kúrdeli jóndeýden, 175 nysan aǵymdaǵy jóndeýden ótti.Qalada 258 nysan jylý maýsymyna daıyndaldy. 258 nysanda qysymdaý jumystary júrgizildi.

Qala ákimi turǵyndar saýalyna jaýap bere kele, oqýshylardyń 100 % oqýlyqtaryn jetkizý jáne ýaqtyly qamtamasyz etý, bilim berý uıymdaryn kúrdeli jáne aǵymdaǵy jóndeýdi merziminde aıaqtaý, balalar men pedagogter densaýlyǵynyń qaýipsizdigin saqtaý maqsatynda bilim berý uıymdaryn qajetti sanıtarlyq jáne dezınfeksııalyq quraldarmen qamtamasyz etýge basa nazar aýdarylatynyn málimdedi.