• USD 424.85

  • EUR 504.21

  • RUB 5.84

  • CNY 65.86

19 Qazan, 17:31:17
Almaty
+15°

Foto: Shymkent qalasy ákiminiń baspasóz qyzmeti

Shymkentte «Eńbek» baǵdarlamasy sheńberinde «Jastar praktıkasy» arqyly jastardy jumyspen qamtý qarqyndy júzege asyrylýda. Atalǵan baǵdarlama arqyly jemisin kórgen jastardyń biri – Perızat Abdıjapparkyzy. Ol byltyrǵy jyly M.Áýezov atyndaǵy Ońtústik Qazaqstan memlekettik ýnıversıtetiniń «Ekonomıka jáne bıznes» mamandyǵy boıynsha bilim alǵan.
Jas maman oqý bitirgen soń qalalyq jumyspen qamtý ortalyǵynda jumyssyz retinde tirkeldi. Keıinen ortalyq mamandary jas mamanǵa «jastar praktıkasy» baǵdarlamasyna qatysýǵa usynyp, nátıjesinde bıylǵy jyldyń mamyr aıynda atalǵan baǵdarlamamen Abaı aýdany ákiminiń apparatyna mamandyǵy boıynsha 6 aı merzimge jumysqa joldandy.

Jastar praktıkasy baǵdarlamasy arqyly jergilikti memlekettik organǵa joldama aldym. Osy jerdegi bilikti mamandardyń tapsyrmalaryn oryndap, tájirıbe jınaqtaýdamyn. Aldaǵy ýaqytta bilimim men jınǵan tájirıbemniń arqasynda turaqty jumysqa kirsem degen maqsatym bar.

Jalpy,«Jastar praktıkasy» ýaqytsha jumys orny bolyp eseptelinedi. Jas mamandar úshin tájirıbe jınaqtap, jumysqa ornalasýǵa zor múmkindik.
Atalǵan baǵdarlamaǵa 29 jastan aspaǵan «jumyssyz» mártebesi bar jáne sońǵy úsh jyl ishinde (2019,2020,2021j) joǵarǵy oqý oryndary men kolledjderdiń túlekteri qatysa alady. Jalaqysy 25 AEK (72 925 tg) quraıdy. Bul baǵdarlamaǵa tek bir ret qatysýǵa bolady.

Shymkentte jyl sońyna deıin «Jastar praktıkasymen» 2500 adamdy jumyspen qamtý josparlansa, jyl basynan beri 2000-ǵa jýyq shymkenttik jastar atalǵan baǵdarlamamen túrli mekemeler men kásiporyndarǵa joldandy.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir