• USD 468.56

  • EUR 497.56

  • RUB 7.3

  • CNY 67.18

28 Naýryz, 14:32:29
Almaty
+35°
 

Talıban uıymynyń ókili Sýheıl Shahın Dohada Sky News basylymyna suhbattasyp, áńgime barysynda AQSh pen Ulybrıtanııa belgilengen merzimde áskerin Aýǵanstannan shyǵarmasa, saldary aýyr bolatynyn aıtty.

Ol Baıdenniń áskerin elden 31 tamyzda shyǵaratyny týraly aıtqanyn eske alyp, merzimdi uzartqysy kelse, ony basyp alýdy jalǵastyrý dep baǵalaıtynyn, munyń esh qajeti joǵyn jetkizdi.

 

– Eger AQSh pen Ulybrıtanııa evakýasııany jalǵastyrý úshin qosymsha ýaqyt izdeıtin bolsa, bizdiń berer jaýabymyz teris bolady. Nemese munyń saldary bolady. Bul bizdiń senimsizdigimizdi týdyrady. Eger olar (AQSh pen Ulybrıtanııa - red) basqynshylyqty jalǵastyrǵysy kelse, biz únsiz qalmaımyz, – dedi ol.

 

Buǵan deıin AQSh prezıdenti Djo Baıden Aýǵanstannan amerıkalyqtardy, qaýip tónýi yqtımal aýǵandardy evakýasııalaý qarqyny jyldamdaǵanyn, adamdardy elden shyǵarý merzimin uzartý boıynsha Talıban uıymymen kelissóz júrip jatqanyn aıtqan. Taraptar arasyndaǵy kelisim boıynsha evakýasııanyń sońǵy kúni 31 tamyzǵa sáıkes keledi.

Kabýl áýejaıy mańynda elden ketkisi keletin aýǵandyqtar nópiri áli basylar emes. Elden shetel áskeri shyǵarylǵan soń Aýǵanstandaǵy jaǵdaı ýshyǵa túsýi múmkin degen qaýip bar. Qazirgi tańda Kabýl áýejaıyn AQSh pen onyń odaqtastary kúzetip tur.

"Qamshy" silteıdi
Ilmek sózder: Talıban Aýǵanstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir