• USD 431.41

  • EUR 452.94

  • RUB 6.92

  • CNY 63.83

20 Mamyr, 09:44:54
Almaty
+18°

Foto: Dw.com/Muraǵattaǵy sýret

Aýǵanstan astanasy Kabýldyń Hamıd Karzaı atyndaǵy halyqaralyq áýejaıynda aýǵan qaýipsizdik kúshteri men belgisiz shabýyldaýshylar arasynda atys boldy, dep jazady nemistiń Dw.com basylymy.

Oqıǵa jergilikti ýaqyt boıynsha tańǵy 04.13-te bolǵan. Atys saldarynan aýǵan qaýipsizdik kúshteri bir ókili qaza taýyp, úsh adam jaralanǵan. Atysqa amerıka men nemis kúshteri aralasyp, jaǵdaı baqylaýǵa alynǵan.

NATO-nyń resmı ókilderi Kabýl áýejaıy men onyń mańynda sońǵy aptada kemi 20 adam qaıtys bolǵanyn málimdedi. Kýágerler qaza tapqandardyń biri atyp óltirilse, biri adam nópiri kezinde taptalyp ólgenin aıtady.

Buǵan deıin Talıban qozǵalysy Aýǵanstannyń barlyq iri qalasyn basyp alǵan. Osyǵan baılanysty AQSh pen ózge elder óz azamattaryn evakýasııalaı bastaǵan. 18 tamyzda Qazaqstanǵa Aýǵanstannan 42 adam jetkizildi. Onyń ishinde 25 adam Qazaqstan azamaty.

AQSh prezıdenti Djo Baıden Aq úıde Baıden Aýǵanstannan amerıkalyqtardy, qaýip tónýi yqtımal aýǵandardy evakýasııalaý qarqyny jyldamdaǵanyn, adamdardy elden shyǵarý merzimin uzartý boıynsha Talıban uıymymen kelissóz júrip jatqanyn aıtty. Baıdenniń sózinshe, 14 tamyzdan beri Aýǵanstannan 28 myń adam eavkýasııalanǵan. Taǵy ondaǵan myń adam áýe kóligin tosyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir