• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 22:09:31
Almaty
+15°

Prezıdent Qasym-Jomart Toqaev aldaǵy úsh jylda ishki ister organdary qyzmetkerleriniń laýazymdyq eńbekaqysy orta eseppen 30 paıyzǵa ósetinin aıtty. Bul týraly Aqorda saıty habarlady. 

– Osy maqsatqa 100 mıllıard teńgeden astam qarjy qarastyrylǵan. Ulttyq ulan sarbazdarynyń aılyq jalaqysy birtindep ósip keledi. 2021-2023 jyldary ofıserlerdiń jalaqysy 70 paıyzǵa, kelisimshart boıynsha qyzmet etetin áskerılerdiń eńbekaqysy 60 paıyzǵa jýyq artady.

2024 jyldyń sońyna deıin arnaıy kúshterde qyzmet etetinder men kelisimshart boıynsha qyzmet atqaryp júrgenderdiń bári ofıser shenin alady. Jyl saıyn turǵyn úıge qomaqty qarajat jumsalyp keledi. Qazirgi kezde 24 myń polısııa qyzmetkeri men 13,5 myńnan astam áskerı qyzmetshige turǵyn úı tólemderi berilip turady. Qoǵamdyq tártip pen qaýipsizdikti kúzetetin qyzmetkerlerge jan-jaqty áleýmettik qoldaý kórsetý bizdiń memleketimizdiń basymdyqtarynyń biri bolyp qala beredi, – dedi prezıdent.

Toqaev quqyq qorǵaý organdarynda qyzmet etý fızıkalyq jáne psıhologııalyq qysymǵa ushyratyp, keıde jeke ómirine de qaýipti ekenin atap ótti.

– Táýelsizdik jyldarynda ishki ister organdary men Ulttyq ulannyń áskerı qyzmetshileri qatarynan, barlyǵy 802 azamat qyzmettik mindetterin oryndaý barysynda qaza tapty. Olar ómiriniń sońyna deıin antyna adal boldy. Erlerdiń esimi máńgi umytylmaıdy. Janqııarlyǵy men batyrlyǵy úshin 1567 qyzmetker ordendermen jáne medaldarmen marapattaldy, – dedi memleket basshysy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir