• USD 424.85

  • EUR 504.21

  • RUB 5.84

  • CNY 65.86

20 Qazan, 08:00:33
Almaty
+11°

Talıbandar 20 jyldan soń Kabýldy qaıta basyp alyp Aýǵanstan bıligin qoldaryna aldy. 17 shilde kúni túnde "Talıban" uıymynyń negizin qalaýshylardyń biri  "qasapshy Bardar" men onyń delegasııasy ondaǵan jyldan keıin Aýǵanstanǵa  oraldy. 53 jastaǵy Bardar Aýǵanstannyń jańa basshysy bolady dep kútilýde. Bul týraly Son Dakika basylymy habarlady.

Aýǵanstandaǵy AQSh jáne NATO ásker kúshteriniń ketýimen tálipter el astanasy Kabýlǵa kirip, bılikti ıemdengen. Prezıdent Ashraf Ǵanı qaqtyǵys men qantógis boldyrmaý úshin elden ketkenin jarııalady. Beıbit turǵyndar elden qashý úshin tipti ushaqtarǵa jarmasyp ólimmen betpe-bet kelýde.

Aýǵan elin basqaratyn Talıban keshe baspasóz máslıhatyn ótkizip, elde sharıǵat sheńberinde adam quqyqtaryna, sonyń ishinde áıel quqyǵyna qurmet kórsetiletinin málimdedi. Alaıda buǵan kópshilik kúmánmen qaraıdy.

Brıtanııalyq The Guardian basylymy "tálipter Kabýl áýejaıyna bara jatqan aýǵandyqtarǵa zorlyq-zombylyq kórsetti" dep habarlady. Tálipter áýejaıdaǵy qaýipsizdikke ýáde bergenine qaramastan, qaýipsizdik beketterinde ótip bara jatqanda áıelder men balalardy uryp-soqqan.

AQSh-ta ornalasqan Fox News buqaralyq aqparat quraly Talıban parandja kımegen áıelderdi óltirgeni týraly habarlady. 17 shilde kúni Talıbannyń "Biz áıelderdiń quqyqtaryn qurmetteımiz" degen málimdemesine qaramastan, olar kóp áıeldi óltirdi degen aqparat shyqty.

Qasapshy Baradar Aýǵanstanǵa oraldy

Talıban qozǵalysynyń negizin qalaýshylardyń biri – Molla Omardyń óliminen keıin 53 jastaǵy Baradar eldiń jańa basshysy bolady dep kútilýde.

– Búgin tústen keıin Katardan Aýǵanstan Islam Ámirligi Kandahar áýejaıyna Baradar bastaǵan joǵary deńgeıli delegasııa kelip qondy, – dedi  "Talıban" uıymynyń ókili Naım. 

Talıban qurylǵan Kandahar qalasynda týyp ósken Baradar 1996-2001 jyldar aralyǵynda uıymda ár túrli qyzmet atqarǵan.

Aýǵanstanǵa AQSh kelgennen keıin qashyp ketken Baradar keıin Pákistanda túrmege jabylǵan. Úsh jyl buryn AQSh úkimetiniń talaby boıynsha bosatylǵan Baradar sodan beri Katar astanasy Dohada turǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir