• USD 424.85

  • EUR 504.21

  • RUB 5.84

  • CNY 65.86

18 Qazan, 10:15:57
Almaty
+10°

Beıresmı aqparatqa saı Aýǵanstanda 45 myń qazaq turady. Búginde olar kóshege shyǵa almaı, úreımen otyrǵanyn, elge oralǵysy keletinin aıtady, dep habarlady 31 telearna.  

Túrkistandyq Muhamed Qurban 1968 jyly Aýǵanstanda týyp, jıyrma jyldaı sonda turǵan. Aýǵanstanda soǵys bolǵan kezde Iranǵa kóship, 1993 jyly Qazaqstanǵa oralǵan. Aıtýynsha, qazir Aýǵanstannyń alty qalasynda otyzdan astam otbasynda júz elýdeı qazaq ómir súrip jatyr.

– Gerat, Alıneý, Qundyz, Pýlýhýmrıda, Mazarı Sharıfte, Shubyrǵan qalalarynda qazaqtar bar. Árbir qalanyń ózinde úsh-tórt, bes qazaq otbasy qalǵan, – deıdi Muhamed Qurban.

Aýǵannan kelgen ol sol jaqtaǵy týystary jaǵdaılary qıyn ekenin, kóshege shyǵa almaı, qamalyp otyrǵanyn, tipti nan alýǵa bara almaı jatqanyn jetkizgenin aıtady. 

– Jaǵdaıymyz óte qıyn deıdi. Talıbandar ıslam zańyn júrgizip jatyr. Áıelder, qyzdar kóshede júrmesin, mektepke barmasyn dep jatyr, – deıdi  Muhamed Qurban. 

Májilis depýtaty Erlan Saırov Aýǵanstan bıligi qulap, dúrbeleń bastalǵaly ondaǵy etnıkalyq qazaqtardy elge aldyrý qajet, jyraqta júrgen qandastardyń jaǵdaıyna memleket beı-jaı qaramaýy tıis dep esepteıdi.

– Sheteldegi árbir qazaq úshin biz kúresýimiz kerek. Meniń oıymsha bul memlekettiń, árbir memlekettiń óziniń bir moraldyq mindeti bar, – deıdi Erlan Saırov. 

Sarapshylar qazaqtardyń basym bóligi О́zbekstan, Qytaı, Reseıde turatynyn aıtady. Sondaı-aq Túrkimenstan, Iran jáne Qyrǵyz Respýblıkasynda da bar.

Al Aýǵanstandaǵy biraz qazaq Túrkııaǵa kóshkenimen, onda qalǵandary da az emes. Naqty sany týraly resmı málimet joq.

Elge kelgen qandastardyń derekqor bazasyndaǵy málimetke saı, bir jarym mıllıon qazaq elge oralǵan. Qazir shetelde 5 mıllıondaı qazaq turady.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir