"Qosymsha jasaq", "mindetti áskerge shaqyrý". Qorǵanys mınıstrligi málimdeme jasady

Aýǵanstandaǵy jaǵdaıdan keıin elde áskerı nysandardaǵy qaýpsizdik kúsheıdi. Bul týraly Qorǵanys mınıstriligi habarlady.

"Aýǵanstan Islam Respýblıkasyndaǵy ahýaldyń shıelenisýine baılanysty Qarýly Kúshterde qyraǵylyqty kúsheıtý boıynsha birqatar shara uıymdastyrdy. Eń aldymen arnaıy operasııalar maıdan jáne áskerı-kólik avıasııamen áýe shabýylyna qarsy qorǵanysqa qatysty bolyp otyr. Qoımalardy kúsheıtýge qosymsha jasaq bólindi" delingen aqparattyq habarlamada.

Qorǵanys mınıstrliginde ótken apparattyq keńeste zapastaǵy ásirese tapshy mamandyǵy bar ofıserlerdi áskerı qyzmetke shaqyrý máselesi kóterildi. Zańnamada ofıser ataǵyn alǵan áskerı kafedrany bitirýshilerdi mindetti túrde áskerı qyzmet ótkerý úshin áskerge shaqyrý boıynsha túzetýler engizý tapsyryldy.

"Barlyq stýdentter men joǵary oqý oryndarynyń basshylary áskerı kafedrada oqý – bul oıyn-saýyq jáne zapastaǵy ofıserdiń áskerı bıletti alý tásili emes, eń aldymen – el múddesi úshin Qarýly Kúshterde qyzmet etýge daıyn ekenderin túsinýi tıis!" dep habarlady mınıstrlik tarapynan.