Shymkentte qanatty sózder jazylǵan arnaıy taqtaıshalar ornatyldy

Qala turǵyndarynyń tabıǵatty aıalap, tazalyqqa degen jaýapkershiligin arttyrý maqsatynda Ál-Farabı aýdany aýmaǵynda qanatty sózder jazylǵan arnaıy taqtaıshalar ornatyldy. Shymkent qalasy Ál-Farabı aýdanynyń ákimi Rashıd Myńbaev, aýdan ákimdigi mamandary jáne qala eriktileri birlese tabıǵatty qorǵaýǵa shaqyratyn taqtaıshalardy saıabaqtar men gúlzarlarǵa, kópqabatty úı aýlalaryna ornatty.

Basty maqsat - tabıǵat qundylyqtaryn saqtap, turǵyndarǵa qorshaǵan ortaǵa janashyrlyq tanytý kerektigi týraly jaqsy kózqaras qalyptastyrý. Adamdar sonda ǵana týǵan óńir tabıǵatyn qorǵaýda belsendilik kórsetedi. Tazalyqty ár azamat ózinen bastasa súbeli nátıjege qol jetkizemiz.

Atalǵan lozýngtar shymkenttikterdiń ómir súrý sapasy men densaýlyǵyn jaqsartýǵa septigin tıgizedi. Qalanyń bet-beınesi - tazalyqta. Qorshaǵan ortany taza ustaý, óz týǵan jeriniń tazalyǵyna úles qosý árbir turǵynnyń mindeti.