• USD 470.06

  • EUR 466.68

  • RUB 7.91

  • CNY 66.08

06 Qazan, 15:56:50
Almaty
+16°

Foto: Shymkent qalasy ákiminiń baspasóz qyzmeti

Shymkenttik Nazarbaev Zııatkerlik mektebiniń oqýshysy Qazaqstan tarıhynda alǵash ret geografııadan IGEO – 2021 Halyqaralyq olımpıadasynyń kúmis júldegeri atandy.

Búgin Shymkent qalasy hımııa-bıologııa baǵytyndaǵy Nazarbaev Zııatkerlik mektebinde geografııa páninen ótken Halyqaralyq olımpıadanyń kúmis júldegeri zııatker oqýshy Tazabek Erkebulandy júldesimen quttyqtaý rásimi ótti. Quttyqtaý rásimine Shymkent qalasy bilim basqarmasynyń basshysy Janat Arysbekqyzy Tájıeva, Shymkent qalasy hımııa-bıologııa baǵytyndaǵy Nazarbaev Zııatkerlik mektebiniń dırektory Kaıyrbek Sabıtuly Býksýkbaev jáne zııatker oqýshy Erkebulannyń ata-anasy qatysty.


Geografııa páninen Halyqaralyq olımpıada 1996 jyldan beri Halyqaralyq geografııalyq odaqtyń jetekshiligimen ótkizilip keledi. Alǵashqy zııatkerlik jarys Gaagada uıymdastyrylsa, bıyl olımpıada astanasy Ystambul atanyp, qashyqtan ótkizildi. Jeńis úshin álemniń 46 elinen 200 oqýshy baq synasyp, onyń ekeýi Nazarbaev Zııatkerlik mektepteriniń oqýshylaryna buıyrdy – elge birinshi altyndy Aqtóbedegi zııatkerlik mektep oqýshysy Rýstam Valeev ıelense, al kúmis medaldi Shymkent qalasyndaǵy hımııa-bıologııa baǵytyndaǵy NIS oqýshysy Erkebulan Tazabek jeńip aldy.

Jıynda alǵy sóz alǵan Shymkent qalasy bilim basqarmasynyń basshysy Janat Arysbekqyzy elimizdiń keleshegi daryndy jastardyń qolynda ekendigin sóz etip, jas Zııatkerge sáttilik tiledi.


- Búginde qalamyzdyń bilim salasy men bilim berý úrdisi joǵarǵy deńgeıge kóterilip, birshama jetistikterge ıe bolyp keledi. Dál osy bilim berý salasynyń ósip órkendeýine sebepshi bizdiń qalamyzdyń bilim ordalary, ıaǵnı, barlyǵy mektepterdiń jáne bilikti ustazdardyń arqasynda dep bilemin. Bilim salasyna óziniń edáýir úlesin qosyp kele jatqan mektepterdiń biri qalamyzdaǵy hımııa-bıologııa baǵytyndaǵy Nazarbaev Zııatkerlik mektebi. Buǵan dálel mine búgingi Erkebulandaı ozat, zııatker oqýshylar,- dedi Janat tájıeva, shymkent qalasy bilim basqarmasynyń basshysy. 

Qalalyq bilim basqarmasynyń atynan Erkebulannyń ata-anasyna alǵys hat jáne zııatker oqýshymyzǵa arnaıy gramota men smart saǵaty jáne kitap syıǵa tartý etildi. Ár shákirttiń artynda qashan da bilikti de bilimdi ustaz turady, demekshi Erkebulannyń jetekshisi HBB NIS-tiń geografııa páni muǵalimi Aqbope Jamanqulqyzy da qurmet gramotasymen marapattaldy.

Sonymen qatar, Shymkent qalasy hımııa-bıologııa baǵytyndaǵy Nazarbaev Zııatkerlik mektebiniń dırektory Kaıyrbek Sabıtuly Býksýkbaev myrzanyń atynan Erkebulannyń ata-anasyna arnaıy alǵys hat pen gúl shoqtary tabys etildi.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir