Foto: Halyk Bank baspasóz qyzmeti
Kásipkerlerge Ashyq jobasyna tirkelý ońaıyraq bolady. Halyk Bank qazaqstandyq bankter arasynda birinshi bolyp Atameken UKP birlese zańdy tulǵalarǵa arnalǵan QR-kodty tirkeý fýnksııasyn engizdi. Qyzmet kórsetý salasymen baılanysty bıznes obektileri nemese Ashyq jobasymen kirý mindettelgen qyzmetkerleriniń sany kóp kompanııalar Onlinebank-tiń veb-nusqasynda QR-kodty birneshe batyrmany basý arqyly jáne onlaın alyp, karantın talabyn oryndaı alady.
– Halyk Bank – ekinshi deńgeıli bankter arasynda óziniń fınteh-prosesterin Ashyq tirkeý júıesimen biriktirgen alǵashqy bank. Bizdiń zańdy tulǵalar endi úıden shyqpaı-aq Onlinebank veb-nusqasynyń kómegimen birneshe batyrmany basý arqyly QR-kodty jasaı alady. Qazirgi ýaqyttaǵy koronavırýstyq pandemııaǵa baılanysty eldegi jaǵdaıdyń qıyn ekenin eskere otyryp, ekonomıka salasynyń kóptegen baǵytyndaǵy qyzmet kórsetý jumysy shektelip, tek Ashyq arqyly jumys isteıdi. Osyǵan oraı kásipkerlerge Ashyq júıesinde tirkelýdiń yńǵaıly tásilin usyný osy kúrdeli kezeńde Bank tarapynan aıtarlyqtaı qoldaý bolady, – deıdi Halyk Bank memlekettik qyzmetterdi sıfrlandyrý jónindegi basqarýshy dırektory Narıman Muqyshev.
Onlinebank-te QR-kodty alý tek bıznes sýbektilerine ǵana beriletinin atap ótken jón. Bul – sýbektiniń ataýy, onyń ornalasqan jeri jáne basqa sáıkestendirý derekteri kórsetilgen elektrondyq ıdentıfıkator. Bir obektige kirý úshin bir QR kod beriledi.
Kompanııany Onlinebank arqyly Ashyq-qa tirkeý úshin tómendegideı qadamdardy jasaý kerek:
- Onlinebank júıesiniń veb-nusqasyna kirý;
- Jeke kabınetke kirip, Ashyq fýnksııasyn tańdaý;
- Sáıkestik aktisin alýǵa ótinim joldaý;
- Sáıkestik aktisin alýǵa ótinimdi maquldaǵannan keıin QR-kodty alýǵa ótinim joldaý;
- Ashyq QR-kodyn basyp shyǵarý.
Eger Ashyq júıesinde ádettegi tirkeý kezinde kásipkerlerge UKO-tan ESQ qajet bolsa, Onlinebank veb-servısinde QR-kodty alý úshin Halyk Bank zańdy qoldanýshylardyń sıfrlyq qoltańbasyn qajet etedi. Tirkeý kezinde basqa eshteńe talap etilmeıdi jáne oflaın qol qoıýdyń qajeti joq.
Narıman Muqyshev Halyk Bank-te osyndaı qyzmettiń paıda bolýynda Banktiń ishki komandasy – tranzaksııalyq bıznes departamenti men Onlinebank departamentiniń úlken eńbegi bar ekenin atap ótti.
– Atameken ulttyq kásipkerler palatasynyń ashyqtyǵy men bızneske arnalǵan osyndaı servısterdi iske asyrýǵa daıyn bolǵanyna alǵys aıtamyz. Halyk Bank-tiń osyndaı servıstermen ıntegrasııa júrgizý boıynsha barlyq talaptarǵa sáıkes keletin qajetti ınfraqurylymy jáne damyǵan tehnologııalary bar ekenin atap ótkim keledi, – dedi Halyk Bank sıfrlandyrý jónindegi basqarýshy dırektory.
Ashyq – qoǵamdyq oryndarǵa kelýshilerdi tirkeýge arnalǵan qosymsha. Mekemege kirer aldynda paıdalanýshy arnaıy QR-kodty skanerleıdi jáne nátıjesin ákimshige kórsetedi. Qosymshada adamnyń tórt kúıi kórsetilgen: beıtarap (kúı fony – kók), qaýipsiz (jasyl), baılanys (sary) jáne juqtyrǵan (qyzyl).
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir