• USD 424.85

  • EUR 504.21

  • RUB 5.84

  • CNY 65.86

18 Qazan, 10:30:16
Almaty
+10°

Belgili kásipker Bolat Ábilov medıakásipker Armanjan Baıtasovqa bergen suhbattar serııasy barysynda "Býtıa Kapıtal" holdıngine aqsha salyp, qarajatyn qaıtara almaı qalǵan jaǵdaılar týraly suraqqa jaýap berdi.

– Jappaı jekeshelendirý 1993 jyly bastaldy. Bizdiń úkimet jekeshelendirýdi durys júrgizbedi. Qolyńda iri kásiporynnyń 10 paıyz aksııasy bolýy múmkin, biraq onymen eshteńe jasaı almaısyń. Al Reseıde qalaı edi... Ol jaqta (aksııany - red) aqshaǵa, araqqa aýystyryp jatty. Adam qolynda 1 myń rýbl bolýy múmkin. Onymen ne istegisi kelse de ózi biledi. Al bizdegi adamdarda bir tilim qaǵaz ben ana jaqta bireý sen úshin aqsha jasaıdy degen senim ǵana boldy. Iá, biz aqsha tabýǵa daıyn edik. Biraq eshteńe joq bolsa, bári qırap jatsa, ne isteımiz. Esimde bir qalada metall zaýyttyń 10 paıyz aksııasyn satyp aldyq. Aty dardaı, kelsek zaýyt eski, qap-qarańǵy, qural-jabdyǵy Stalın zamanynan beri jańarmaǵan. Sol kezde balalarǵa arnalǵan "Baldyrǵan" velosıpedin shyǵaryp jatyr eken. Onysy zildeı, bala turmaq, eresek adam kótere almaıdy. Taǵy bir fabrıkanyń 10 paıyz aksııasyn satyp alǵanymyz bar. Keńes odaǵy kezinde ol jerde 2 myń adam istegen. Barsaq, shaǵyn ǵana bólme. Barlyǵy jabylǵan. Jaryqqa, jylýǵa tóleı almaı otyr. Biz mundaı kásiporyndy ne isteımiz... Sol kezde 164 qor boldy. Biraq men moraldyń jaýapkershilikti sezindim. Sondyqtan jurt aldyna shyǵyp, bizge senýin suradym. "Býtıa Kapıtal" Qazaqstandaǵy eń úlken holdıng boldy. Kýpondardyń úshten biri bizge tıesili edi. Biraq biz oǵan eshteńe isteı almadyq. Kerisinshe úlken shyǵynǵa battyq. Men óz qaltamnan ondaǵan mıllıon dollar tóledim. Bizde 2 jarym mıllıon aksıoner boldy. 500 myńy qaıta tirkeýge keldi. Biz olarǵa qandaıda bir qarajat tóleı aldyq. Sondyqtan bul jerde meniń arym taza. Bıznesmen kózimen qarasaq, tabys tappasaq, kerisinshe shyǵynǵa batsaq, onda nege tóleýge tıispiz. Biraq biz aqshany qaıtardyq. Sol kezde elde bizden basqa birde-bir qor aksıonerleriniń aqshasyn qaıtarǵan joq, – dedi Bolat Ábilov.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir