16 Tamyz, 2021 NEWS
Foto: Ashyq derekkóz
Bilim jáne ǵylym mınıstri Ashat Aımaǵambetov ulttyq jáne memlekettik joǵary oqý oryndary oqytýshylarynyń jalaqysy 2021 jyldyń qyrkúıek aıynan bastap artatynyn habarlady.
– Bilim jáne ǵylym mınıstrligine vedomstvolyq baǵynyshty joǵary oqý oryndarynyń oqytýshylary endi aı saıyn keminde 200 myń teńge alatyn bolady. Aǵa oqytýshynyń eńbekaqysy keminde 230 myń teńgeni qurap, qaýymdastyrylǵan professor 260 myń teńge, professor 350 myń teńge (ulttyq joǵary oqý oryndarynda 400 myń teńge) alýy tıis, – dedi Ashat Aımaǵambetov.
Mınıstrdiń sózinshe, jalaqysy kóterilgen oqytýshylardyń oqý júktemesi tómendetiledi. Bul muǵalimderdiń ǵylymı qyzmetpen aınalysýlaryna múmkindik pen ýaqyttyń jetkilikti bolýy úshin jasalynyp jatyr.
– Biz josparly túrde oqytýshylar úshin jaıly jaǵdaı jasap, eńbekaqyny jáne pedagogterdiń mártebesin arttyryp jatyrmyz. Joǵary oqý oryndary oqytýshylarynyń jalaqysy da joǵarylaıtyn bolady. Eger biz bilimniń joǵary deńgeıde bolýyn qalasaq, muǵalimderge laıyqty jalaqy tóleý kerek ekenin túsinýimiz kerek. Bul rette biz joǵary oqý oryndary tarapynan sapaly jumysty, al oqytýshylardan oqý prosesine asqan jaýapkershilikpen qaraýdy talap etemiz, – dedi bilim jáne ǵylym vıse-mınıstri Qýanysh Erǵalıev.
Sonymen qatar ár ýnıversıtet basqa da yntalandyrý tólemderin belgilep, oqytýshylardyń belgili bir jetistikteri úshin qosymsha aqy tóleı alady. Joǵary oqý oryndarynyń dırektorlar keńesi bul máseleni erekshe baqylaýda ustaýy qajet.
Sonymen qatar, pedagogıkalyq bir stavkanyń maksımaldy kólemi bir oqý jylynda 680 saǵattan aspaıtyn bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir