• USD 468.56

  • EUR 497.56

  • RUB 7.3

  • CNY 67.18

29 Naýryz, 16:03:45
Almaty
+35°

Halqynyń sany mıllıonnan asatyn Shymkenttiń shamamen 883 myń (80,8%) turǵyny búgingi tańda mindetti áleýmettik medısınalyq saqtandyrý júıesine tirkelgen. Al, saqtandyrylmaǵandar sany – 210 myńnan (18,2%) asady.

Barlyq júıeniń qatysýshylary, tabys mólsherine qaramastan, osy júıede kórsetiletin barlyq medısınalyq kómekke, onyń ishinde joǵary tehnologııalyq zertteýler, qymbat baǵaly medısınalyq qyzmetter jáne otalarǵa birdeı qol jetkize alady,- deıdi atalmysh qordyń Shymkent qalalyq fılıal dırektory Sábıt Quralbek.

Búgin Shymkent qalasynda «Áleýmettik medısınalyq saqtandyrý» júıesi aıasynda Shymkent qalasy boıynsha fılıalynyń dırektory Quralbek Sabıt Raıymbekuly baspasóz májilisinde mindetti medısınalyq saqtandyrý júıesiniń halyqqa tıimdi tustaryna toqtaldy.

Aıtyp ótsek, 2020 jyldyń 1-shi qańtarynan Elimizde Mindetti áleýmettik medısınalyq saqtandyrý júıesi engizilip, óz jumysyn jalǵastyrýda. Búgingi kúnge ózekti bolyp tabylatyn másele – ol turǵyndardyń osy júıeniń qatysýshysy bolýy. Mindetti áleýmettik medısınalyq saqtandyrý júıesiniń basty talaby – ol ár turǵynnyń osy júıeniń qatysýshysy bolýy, ıaǵnı – osy júıede «saqtandyrylǵan» mártebesine ıe bolyp, qajet bolǵan jaǵdaıda der kezinde medısınalyq kómekke qol jetkizýi.

 – Bul baǵytta, turǵyndardy osy júıege barynsha tartý jumystary jalǵasýda.Shymkent qalasy boıynsha búgingi kúnge saqtandyrlǵandar sany 882 807 qurasa, saqtandyrylmaǵandar sany – 210 377 turǵyndy quraıdy. Sonymen qatar, medısınalyq saqtandyrý júıesi engizilgennen keıin turǵyndardyń densaýlyǵyn saqtaýǵa bólingen qarajat mólsheri ulǵaıdy. Iаǵnı, bul júıe engizilgen ýaqytqa deıin azamattar tek qana tegin medısınalyq kómektiń kepildengen kólemi sheńberinde medısınalyq kómekti alatyn. Al búginde júıeniń qatysýshylary qosymsha qarajat jumsamaı, mindetti áleýmettik saqtandyrý júıesinde qosymsha medısınalyq kómek alý múmkindigine ıe, – dedi Quralbek Sabıt "Áleýmettik medısınalyq saqtandyrý qory" KEAQ Shymkent qalasy boıynsha fılıalynyń dırektory 

Qalada halyqqa medısınalyq kómek kórsetýge úmitker medısınalyq mekemeler sany ulǵaıǵan. Osy jyly 120 medısınalyq mekememen kelisimshart jasalyp, onyń 87-i jeke menshik ıesindegi uıymdardy (72,5%) quraıdy.

Medısınalyq mekeme sanynyń artýy olardyń arasynda shynaıy básekelestikti týǵyzady. Al atalǵan júıede ár turǵyn emdeý mekemesin tańdaýǵa quqyly. Bul rette medısınalyq mekemeler turǵyndardy ózderiniń mekemesine tartý úshin jaǵdaı jasaıdy, birinshi kezekte medısınalyq kómek sapasyn arttyrady.

Brıfıngte belgili bolǵandaı turǵyndar arasynda «Qoldau 24/7» atty mobıldik qosymshasy keńinen taraýda. Bul qosymsha arqyly ár turǵyn saqtandyrý boıynsha tolyq aqparat alýǵa, densaýlyq saqtaý salasyndaǵy ózgerister men usynystar qaldyrýǵa, medısınalyq mekeme nemese medısına qyzmetkerleri tarapynan bolǵan kemshilikter týraly aryz-shaǵym túsirýge bolatydyǵyn, aıtyp ótti Sabıt Raıymbekuly.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir