• USD 465.38

  • EUR 483.58

  • RUB 7.69

  • CNY 64.95

26 Qarasha, 18:55:04
Almaty
-3°

Foto: Shymkent qalasy ákiminiń baspasóz qyzmeti

Búgin QR Premer-Mınıstri A.Mamın Úkimet múshelerimen, respýblıkalyq mańyzy bar qalalar men oblystardyń ákimderimen selektorlyq májilis ótkizdi. Úkimet otyrysynda eldegi epıdemıologııalyq ahýal talqylanyp, óńirlerdiń áleýmettik-ekonomıkalyq damý kórsetkishteri tarazylandy.

Respýblıka oblystary men qalalarynyń ekonomıka salasyndaǵy negizgi kórsetkishteriniń damý dınamıkasynda Shymkent qalasynyń barlyq kórsetkishterinde ósim dınamıkasy bar ekendigi baıandaldy.

Bul jóninde Ulttyq ekonomıka mınıstri Áset Erǵalıev: «О́ńirler arasynda eń joǵarǵy kórsetkish Túrkistan jáne Soltústik Qazaqstan oblystarynda, sondaı-aq Shymkent jáne Almaty qalalarynda baıqalýda», - dedi.

Onyń ishinde bıylǵy jyldyń qańtar-shilde merzimindegi aralyqta byltyrǵy jyldyń tıisti kezeńimen salystyrǵanda Shymkent qalasynyń:
- óńdeý ónerkásibindegi kórsetkishi 104,8 paıyzǵa,
- aýylsharýashylyǵy salasy – 103 paıyzǵa,
- qurylys jumystary – 114,6 paıyzǵa,
- paıdalanýǵa berilgen úıler kólemi – 107,9 paıyzǵa,
- saýda salasy – 104,2 paıyzǵa,
- kólik salasy – 103 paıyzǵa,
- jeke ınvestısııa tartý kólemi – 149,5 paıyzǵa artqandyǵy atap ótildi.

Shymkent qalasynyń ken óndirisimen baılanysty emes salalar boıynsha ınvestısııalyq belsendiligi 22,8 paıyzǵa jetkendigi aıtylyp, qurylys, óńdeý ónerkásibi, onyń ishinde azyq-túlik óndirisi, baılanys jáne aqparat, aýyl sharýashylyǵy, saýda, jyljymaıtyn múlik operasııalary, kólik salalarynda oń damý kórsetkishteri qalyptasqan. Bul kórsetkishten qalamyz 3-shi orynǵa turaqtaǵan.

Qurylys salasynda Shymkent qalasy úzdik bestiktiń qataryna enip, byltyrǵy jyldyń tıisti kezeńimen salystyrǵanda qurylys kólemi 14,6 paıyzǵa ósken. Qalamyzdyń áleýmettik-ekonomıkalyq damý kórsetkishterinde qalyptasqan oń dınamıka shahar ekonomıkasynyń turaqty órkendeýine negiz bolyp, damý josparynda qamtylǵan mindetterdi tabysty iske asyrýǵa kepil bolmaq.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir