• USD 424.85

  • EUR 504.21

  • RUB 5.84

  • CNY 65.86

20 Qazan, 06:51:02
Almaty
+11°
 

Germanııanyń qoǵamdyq densaýlyq saqtaý organy Robert Koh ınstıtýty vaksınalardyń vırýsqa qarsy tıimdiligi joǵary ekenin anyqtady. Nemis saıasatkerleri elde vaksınalaýdy kúsheıtýdiń eń jaqsy ádisin talqylap jatyr.

Germanııanyń qoǵamdyq densaýlyq saqtaý organy Robert Koh ınstıtýty shyǵarǵan jańa zertteýlerge sáıkes, Germanııada koronavırýsqa qarsy jappaı vaksınalaý naýqany myńdaǵan adamdardyń ómirin qutqaryp qaldy.

Baıandamada ne aıtyldy?

Zertteý ınstıtýty jarııalaǵan esepte vırýstyń "úshinshi tolqyny" kezindegi vaksınalaý 38 000 ólimniń aldyn alǵany kórsetilgen. Sonymen qatar, vaksına arqyly 706,000-nan astam adam ınfeksııadan qorǵalǵan.

Eseptelgen model Germanııanyń jappaı vaksınalaý naýqanynyń sońǵy 6,5 aıyndaǵy málimetterge negizdelgen.

Aqparatqa sáıkes, vaksınalaý 76,000-nan astam adamnyń aýrýhanaǵa jatqyzylýynyń aldyn alǵan jáne 20,000-ǵa jýyq adam reanımasııa bólimine túsýden aman qalǵan.

Nemis zertteý ınstıtýty vaksınanyń vırýsqa qarsy tıimdiligi joǵary ekenin anyqtady. Densaýlyq saqtaý uıymynyń málimetteri boıynsha, vaksına "pandemııadan shyǵýǵa jol ashady".

Germanııada 45 mıllıon adam tolyq vaksınalandy

Nemis bıligi qazirgi ýaqytta elde vaksınalaýdy jaqsartýdyń eń jaqsy jolyn talqylap jatyr.

Densaýlyq saqtaý mınıstri Iens Shpan Germanııada 45 mıllıonnan astam adam ıaǵnı halyqtyń 54,5%-y tolyq vaksınalanǵanyn málimdedi.

Germanııada jalpy 51,8 mıllıon adam nemese 62,3% halyq vaksınanyń kem degende bir dozasyn aldy.

Shpan jaqynda 12 jastan 17 jasqa deıingi balalarǵa vaksına egýdi usyndy, biraq bul ıdeıany nemis ulttyq retteýshileri áli maquldaǵan joq.

"Vaksına alý - bul jeke sheshim, biraq sonymen birge bárimizge de áser etedi" dep jazdy Shpan  tvıtterde.

Vaksınalaý saıasatyna qatysty qaıshylyqtar

Fransııa jáne Italııa sııaqty eýropalyq elderde qoǵamdyq oryndarǵa kirý úshin turǵyndardan vaksınalanǵanyn nemese COVID-19-dan emdelgenin rastaýdy talap etedi.

Bul elderdiń sheshimi jappaı narazylyqqa ushyrady. Keıbir azamattar bul saıasat olardyń bostandyqtaryna nuqsan keltiredi dep sanaıdy.

Germanııada "Querdenker" qozǵalysynyń qoldaýshylary koronavırýstyq shekteýler men vaksınalarǵa qarsy kóshege shyqty.

Keıbir nemis saıasatkerleri vaksınany mindetti etýge qarsy boldy.

Germanııa Býndestagyndaǵy erkin demokratııalyq partııasynyń múshesi Endrıý Ýllman "Deutschlandfunk" agenttigine bergen suhbatynda vaksınany qoldaıtynyna qaramastan, májbúrleýdi tıimdi saıasat dep sanamaıtynyn aıtty.

"Qamshy" silteıdi
Ilmek sózder: Germanııa vaksına

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir