• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 03:37:27
Almaty

Foto: BQO-nyń polısııa departamenti

Batys Qazaqstan oblysy Shyńǵyrlaý aýdany ákimdiginiń Qurylys jáne sáýlet bóliminde jumys istegen 35 jastaǵy qyzmetker Juldyz Ahmerova jol apatynan kóz jumdy. Bul týraly óńirdiń polısııa departamenti habarlady.

Qaıǵyly oqıǵa 4 tamyz Oral-Shyńǵyrlaý tasjolynda bolǵan. Saldarynan "Nıva" avtokóliginiń jolaýshysy oqıǵa ornynda qaıtys bolǵan. Al kólik júrgizýshisi jaraqat alyp, aýrýhanaǵa jetkizilgen.

Qazir atalǵan is boıynsha Qylmystyq kodekstiń 345-baby (jol qozǵalysy erejelerin buzý nemese kólik quraldaryn basqaratyn adamdardyń kólik quraldaryn paıdalaný) boıynsha sotqa deıingi tergeý bastaldy. Qajetti saraptamalar taǵaıyndaldy.

Aýdan ákimdiginiń habarlaýynsha, bólim mamandary qyzmet mashınasymen Aqshat aýylyna bara jatqan. Ol Shyńǵyrlaýdan 72 shaqyrym jerde ornalasqan. Turǵyndardyń ótinishteri boıynsha ýchaskelerdi ólsheý qajet boldy. Rólde kólik júrgizýden tájirıbesi kóp bas maman otyrǵan. Belgisiz sebeptermen kólik aýdarylyp ketken. Osylaısha 35 jastaǵy áıel oqıǵa ornynda qaıtys bolǵan.

"Qamshy" silteıdi
Ilmek sózder: Batys Qazaqstan oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir