Baıden Qytaıdyń bir qalasynyń turǵyndaryna qaýipsiz baspana usynatynyn málimdedi

AQSh prezıdenti Djo Baıden Qytaıdyń Gonkong qalasynyń myńdaǵan turǵynyna "qaýipsiz baspana" usynylatynyn málimdedi.

Baıden "Qytaı bıligi Gonkong turǵyndarynyń bostandyqtaryn buzǵandyqtan, AQSh-qa keletin Gonkong azamtattaryna 18 aı boıy osynda turýǵa ruqsat beriledi" dedi.

О́tken jyly Qytaı bıligi Gonkong turǵyndary úshin qaýipsizdik zańyn qabyldanǵannan keıin London olarǵa Ulybrıtanııada turaqty turýǵa jol usynǵan bolatyn.

Beıjiń qabyldaǵan jańa zań boıynsha keıbir Gonkong azamattarynyń demokratııalyq talaptary "separatızm, dıversııa, terrorızm jáne sóz baılasý áreketteri" retinde qarastyrylady.

Baıden "Qytaı demokratııalyq prosester men ınstıtýttarǵa nuqsan keltirip, akademııalyq bostandyqqa shekteý qoıyp, baspasóz bostandyǵyna qysym jasap jatyr" dedi.

Baıden jańa qaýipsizdik rejımi kezinde belsendiler men oppozısııalyq saıasatkerlerdi qosqanda 100-den astam adamnyń tutqyndalǵanyn aıtty.

Alaıda, Qytaıdyń Vashıngtondaǵy elshiliginiń ókili Lıý Pengıý AQSh úkimetiniń "faktilerdi elemeýge jáne burmalaýǵa, Qytaıdyń ishki isterine óreskel aralasýǵa" baǵyttalǵan áreketin synǵa aldy.

Biraq AQSh -taǵy zertteýshi Meggı Shýmnyń aıtýynsha, kóptegen stýdentter Gonkongqa qaıtýdan alańdap, Amerıkada qalyp qoıǵan.

Vashıngtonda ornalasqan Gonkong Demokratııalyq Keńesiniń ókili Samýel Chý Baıdenniń bul jańa málimdemesi 100 myńǵa jýyq Gonkong azamattaryna qatysty ekenin aıtady.