“Halqymnan keshirim suraımyn”. Sáken Bıbosynov jekpe-jekten keıin suhbat berdi

Bokstan 52 keli salmaq dárejesinde Tokıo olımpıadasynyń qola júldegeri atanǵan Sáken Bıbosynov jartylaı fınaldyq jekpe-jekten jeńilip qalǵany úshin qazaqstandyqtardan keshirim surady. Bul týraly Olympic.kz saıty habarlady. 

Jýrnalıster aldyna shyqqan Sáken kópke deıin óz-ózine kele almaı, kóz jasyna erik berdi. Tek bapkeri Myrzaǵalı Aıtjanov pen BAQ ókilderiniń qoldaýynan soń Bıbosynov búgingi jekpe-jek jaıly pikirin bólisti.

– Tokıo olımpıadasyna altyn alamyn dep kelgem. Biraq qola júlde buıyryp tur eken. Jankúıerlerdi, qazaq halqyn altynmen qýantyp, Tokıo tórinde ánuranymyzdy oınatýdy basty maqsat ettim. О́kinishke qaraı, ol armanyma jete almadym. Bar kúsh-jigerimdi saldym. Sońyna deıin judyryqtastym. Biraq sáttilik jetpedi.

Barsha jankúıerden, barsha halyqtan jeńilgenim úshin keshirim suraımyn. Birinshi raýndty qarsylasqa berip qoıdym, qalǵan eki raýndta aıanyp qalmadym.

Bapkerlerim birinshi kezeńnen soń 5:0 utylyp jatqanymdy aıtqan soń odan saıyn alǵa bastym. Endi qola júldeni qanaǵat tutamyz. Bul meniń birinshi olımpıadam. Tipti, Tokıoǵa bara almaı qalýym da múmkin edi. Joldamany eń sońǵy sátte jeńip alǵanymdy bilesizder. Sondyqtan, bárine qanaǵat. Bapkerimdi, halqymdy qýantqym kelgen. Buıyrǵany qola eken.

Júldemdi barsha qazaqstandyqtarǵa arnaımyn. Osy olımpıadaǵa kelgen soń týǵan aǵam qyzdy boldy. Jeńgem bosandy. Aılın degen kishkentaı qaryndasyma da osy medalimdi arnaımyn, – dedi Bıbosynov. 

Sáken Bıbosynov jartylaı fınalda 2:3 esebimen ulybrıtanııalyq Djalal Iаfaıge ese jiberdi. 

 

 

 

Posmotret etý pýblıkasııý v Instagram

 

 

 

Pýblıkasııa ot ??© ZTB QAZAQSTAN 2021 (@ztb_video)