Qazaqstanda vaksınanyń úshinshi komponenti salyna ma?

Qazaqstanda koronavırýs vaksınasynyń úshinshi komponentin saldyrý máselesi qarastyrylyp jatyr. Bul týraly ınfeksıonıst dáriger, medısına ǵylymdarynyń kandıdaty Sáýle Atyǵaeva ortalyq kommýnıkasııalar qyzmetinde ótken brıfıngte málimdedi. 

Dárigerdiń sózinshe, úshinshi komponentti saldyrý qajet bolýy múmkin. Ekpe alý kezeńi jas kategorııasyna qaraı ártúrli bolýy kerek. Biraq COVID-19-ǵa qarsy úshinshi komponentti alý qajettiligi antıdenelerdiń deńgeıine baılanysty bolady. 

– Revaksınasııa (vaksınany qaıta egiý - red) qajettigi aǵzadaǵy antıdene sanyna qaraı anyqtalady. Antıdene sany birden tómen adamdarǵa revaksınasııa kerek bolýy múmkin. Bul másele qazir talqylanyp jatyr. Aldaǵy tańda onyń jaýabyn alamyz, – dedi Sáýle Atyǵaeva.