• USD 424.85

  • EUR 504.21

  • RUB 5.84

  • CNY 65.86

18 Qazan, 10:13:02
Almaty
+10°

Elde qýańshylyqtan zardap shekken aımaqtarǵa shóp jetkizýshi eriktiler qatary artyp keledi. Solardyń qatarynda sazger, ánshi Erlan Tóleýbaı men Muratbek Soltanbaı esimdi azamat bar.

Erlan Tóleýbaı eldiń batysy men ońtústiginde jem-shóp taba almaı mal qyrylyp jatqanda Alataýda arqasyn keńge salyp jata almaǵanyn aıtady..

– Qazir Oraldamyn. Oralǵa kelgenime bir apta boldy. Shildeniń basynda Qurmet Talapqazy  alashqa úndeý tastady. Úndeýge qosylyp erikti bolyp keldik. Nurlybaı degen aǵamyz bastaǵan eriktiler Shymkentten Mańǵystaýǵa 95 vagon shóp jiberdi. Sol shópti jibergen soń barlyǵymyz Oralǵa keldik.  Osynda kelgende "Turan bıznes grýpp 2021" - diń jigitteri jáne Serǵazy Maqsuttyń bastamasymen bir vagon jemdi Almatydan Beıneýge jetkizýdi uıymdastyrdyq. Qazir Oralda Muratbek Soltanbaı, Nurlybaı aǵa, Qarqyn Seısenuly sııaqty eriktilermen birge shóp jınap jatyrmyz. Búgin 12 vagon daıyn bolýy kerek. Osy 12 vagondy Oraldan Mańǵystaýǵa jiberemiz. Qarajat jaǵy azaıyp óz qaltamyzdan shyǵaryp jatyrmyz, – dedi E. Tóleýbaı.

Eriktiler jergilikti ákimshilik tarapynan kómek bolmaı, úsh kúnnen beri shópti qolmen oryp, jınaýǵa májbúr bolǵan. Eriktiler ákimdikten tek traktor suraǵan. Alaıda ákimdiktiń beremiz degen traktory 2 kúnnen beri kelmegen.

– "El basyna kún týsa, er etigimen sý kesher" deıdi. Osy kezde Mirjaqyptyń bir ǵasyr buryn jazyp ketken "Qaıda ediń?" degen óleńi eske túsedi. Erteń urpaqtarymyz bizge "qazaq qınalyp jatqanda qaıda ediń?" demesin dep  keldik, – deıdi Erlan Tóleýbaı.

Erikti Muratbek Soltanbaı da Qurmet Talapqazynyń áleýmettik jelilerde taraǵan vıdeosyn kórip, asarǵa kelip qosylǵan.

– Áleýmettik jelide Qurmettiń vıdeosyn kórip dereý jolǵa shyqtym. 8 shilde kúni Shymkent óńirindegi Saryaǵash aýdanynda qamys oryp júrgen jerge bardym. Sol kúnnen bastap osy jumysqa atsalysyp kirisip kettik. Minekeı, búgin Oral qalasyndamyz. Osy ýaqytqa deıin Túrkistannan Mańǵystaý oblysyna 77 vagon, Aral óńirine 8 vagon shóp jiberdik. Odan bólek ár oblystan eriktiler habarlasyp kómektesip jatyr. Ol kisilerdiń tikeleı bizge habarlasyp jatqan sebebi, memleket shóp jetkizý úshin bizge tegin vagon bergen edi. Qazaqstan temir joly vıse-prezıdenti Baýyrjan Orynbasarov pen orynbasary  Kúmisbek Matjanov jumys jasap jatqan jerimizge kelip, Qazaqstannyń kez kelgen óńirinen tegin shóp tasıtyn vagon bergen. Sodan beri shópti jetkizýde eshqandaı qıyndyq bolmady, – deıdi ol.

Erikti ákimderdiń arasynda Túrkistan oblysynyń ákimi men komandasy jumysty uıymdastyryp, eriktilerge kómekteskenin atap ótti. Al Oral qalasynyń  ákimdiginen kómek suraǵanynda, olar únsiz qalǵanyn, áli kúnge deıin jaýap bermegenin jetkizdi.

– Alla qalasa kún sýytqanǵa deıin muqtaj jandarǵa jem-shóp jetkizip berýge áreket jasaımyz. Biz jibergen shópti halyq tegin alyp jatyr. Bastapqyda Saılaýbaı Meıirbekov (qarajat jınaýshy erikti – red) aǵamyzdyń esepshotyna halyqtan 20 mıllıonnan astam qarajat tústi. Sol aqshaǵa 95 vagonnyń 50-in satyp aldyq. Qazir qarjy túsip jatqan joq. Eriktilerdiń  kómegi arqyly jumys jasap jatyrmyz, – dedi erikti M. Soltanbaı.

Erkitiler

 

 

 

 

Marhabat Ilııas

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir