Nátıjesinde Qamshybek Qońqabaev Tokıodaǵy olımpıada oıyndarynyń qola júldegeri atandy.
Foto: Salı Sábirov
Qazaqstandyq boksshy Qamshybek Qońqabaev Tokıo olımpıdasynyń jartylaı fınalynda súrindi.
91 keliden joǵary salmaqta óner kórsetken boksshy jartylaı fınalda amerıkalyq Rıchard Torrespen judyryqtasty. Úshinshi raýndta qazaqstandyq boksshynyń qabaǵy jarylyp, jeńis AQSh ókili Rıchard Torreske berildi.
Alǵashqy jekpe-jekte Qońqabaev mysyrlyq Esrı Mostafa Rezkty 5:0 esebimen jeńgen bolatyn. Odan keıin shırek fınalda reseılik boksshy Ivan Verıasovtan basym túsip, jartylaı fınalǵa shyqqan.
28 jastaǵy Qamshybek Qońqabaev Qyzylorda oblysynda týǵan. 2017 jáne 2019 jyldary álem chempıonatynda kúmis medal enshilegen. 2017, 2019 jáne 2021 jyldary Azııanyń vıse-chempıony atanǵan. Bıylǵy Tokıo olımpıadasynyń ashylý saltanatynda Qońqabaev tý ustap shyqqan.
Tokıo olımpıadasynda jarys jolynda bir ǵana qazaqstandyq qaldy. Ol keshe ıspanııalyq Eskobar Maskýnanony jeńip, jartylaı fınalǵa shyqqan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir