• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 10:19:36
Almaty
+7°

Ulybrıtanııa men AQSh eki adam qaza tapqan tanker shabýylyn "Iran uıymdastyrdy" dep aıyptap, muny halyqaralyq quqyqtyń buzylýy retinde baǵalady. Sondaı-aq jaýap berýge ýáde berdi.

Beısenbi kúni Oman mańynda ızraıldikterge tıesili fırma basqaratyn "MV Mercer Street" tankerine shabýyl jasalǵan.

Shabýylda Ulybrıtanııa azamaty men Rýmynııa azamaty qaza tapqan.

Izraıl premer -mınıstri Naftalı Bennett bul shabýylǵa Tegerannyń jaýapty ekenin málimdedi.

Bennett "biz Iranǵa óz jolymyzben qalaı habarlama jiberý kerektigin bilemiz" dep eskertti. Al Tegeran bul jaǵdaılardyń bárin "negizsiz aıyptaý" deıdi.

Sońǵy birneshe aı boıy Izraıl men Iran basqaratyn kemelerge birneshe ret shabýyl jasaldy.

Iran sonymen qatar Izraıldi "ıadrolyq nysandar men ǵalymdardy nysanaǵa aldy" dep aıyptady.

Ulybrıtanııanyń Syrtqy ister mınıstri Domınık Raab jeksenbide jasaǵan málimdemesinde, Irannyń "MV Mercer Street"-ke qarsy bir nemese birneshe dronyn qoldanǵanyn jarııalady. London Tegerannyń bul operasııany "ádeıi, maqsatty túrde" jasaǵanyn aıtty jáne "halyqaralyq quqyqtyń aıqyn buzylýy" dep baǵalady.

– Iran mundaı shabýyldardy toqtatýy kerek jáne kemelerge erkin júzýge ruqsat berýi kerek, – deıdi Domınık Raab.

AQSh memlekettik hatshysy Antonı Blınken "shabýyldy Irannyń jasaǵanyna senetinin" jáne "tıisti jaýap" bolatynyn aıtty.

"Qamshy" silteıdi
Ilmek sózder: Iran AQSh

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir