• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 18:07:21
Almaty
-3°

Tokıo olımpıadasynda grek-rım kúresinen básekeler jalǵasyp jatyr. Ulttyq quramanyń bas bapkeri Baqtııar Baıseıitov shákirtteriniń jeńilisin jattyqtyrýshylardyń tapsyrmasyn oryndamaǵanymen túsindirdi, dep habarlady  Olympic.kz.

– Keshe Meırambek Aınaǵulov jattyqtyrýshylar tapsyrmasyn oryndamady. Biz qatań eskertip, tyıym salǵan ádis-tásildi kilemge shyqqan sátte-aq istep, óz qatesiniń kesirinen qarsylasyna jol berdi. Bizge yńǵaıly bolatyndaı kúres stılin túsindirip, oǵan jetkizgenimizben, bizdiń tapsyrmamyzdy kilemge shyqqanda oryndaǵan joq. 

Búgin Demeý Jadyraev beldesýdi upaı sanymen jeńip turǵan bolatyn. Beldesýdiń sońǵy sátinde qarsylasyna ese jiberdi. 30 sekýndtyq úzilis bolǵan kezde bárin túsindirip, beldesýdi sońyna deıin bermeı, baqylaýǵa alý keregin aıttyq. Demeýdiń dál osylaı sońǵy sátte ádiske túsip, qarsylasyna upaı syılaǵanyn biz de túsine almadyq.

Erteń Nursultan Tursynov beldesedi. Kúrestiń qandaı bolatynyn kilem kórsetedi, – deıdi bas bapker Baqtııar Baıseıitov.

Grek-rım kúresinen olımpıada oıyndaryna Qazaqstan úsh joldama jeńip alǵan. 60 kelide Meırambek Aınaǵulov, 77 kelide Demeý Jadyraev qatysyp, alǵashqy aınalymda jeńiliske ushyrady. Erteń, 3 tamyz kúni 87 kelige deıingi salmaq dárejesinde Nursultan Tursynov kúresetin bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir