• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 22:41:48
Almaty
+15°

Jańaózende búgingi tańda birneshe áleýmettik nysan boı kóterip, halyq ıgiligine berilip jatyr. Solardyń biri ambýlatorlyq nysan.

Jańaózenge qarasty Qyzylsaı aýylynda burynǵy shaǵyn dárigerlik emhana tozyǵy jetip, eskirgen bolatyn. Jaqynda turǵyndardyń kópten bergi tilegi oryndalyp, ambýlatorlyq jańa ǵımarat qoldanysqa berilmek.

50 adamǵa arnalǵan nysanda aýylda zamanaýı ÝZI, rentgen apparattary ornatylady.


- «Qyzylsaı aýylyna bir ýaqytta 15 kelýshige arnalǵan dárigerlik ambýlatorııa qajet boldy. Alaıda aýylymyzdyń ekonomıkalyq ósimin, bala sanynyń týylý kórsetkishin eskere otyryp 50 kelýshige arnalǵan emhana salyp jatyrmyz.

Jaqynda oblys ákimi arnaıy kelip, jańa nysannyń qurylysymen tanysyp ketti. Halyqtyń suranysyna saı ÝZI jáne rentgen apparatyna qajettilik bar ekenin aıttyq.

Aımaq basshysynyń sheshimimen atalǵan apparattar beriledi. Endi aýyl turǵyndary sol úshin qalaǵa qatynamaı, kerekti dárigerlik kómekterin aýyldan alýǵa múmkindik týyp otyr. Tamyz aıynda atalǵan nysan paıdalanýǵa beriledi»,-dedi aýyl ákimi Rasýl Ábishaev. 

7500 turǵyny bar Qyzylsaı aýylynda aldaǵy jyly órt sóndirý deposy da salynady. Búginde jobalyq-smetalyq qujattary daıyndalyp jatyr.

Qamshy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir