B. Saǵyntaev Almaty taýlaryndaǵy morendi kólderdiń jaǵdaıyn tekserdi

Almaty qalasynyń ákimi Baqytjan Saǵyntaev megapolıstiń sel qaýipsizdigin qamtamasyz etý maqsatynda morendi kólderdiń jaǵdaıyna aerovızýaldy zertteý júrgizdi. Tikushaqta «Qazseldenqorǵaý» MM-niń tóraǵasy K. Kókirekbaev, qalanyń TJD-niń basshylyǵy men mamandary boldy.

Morendi kólderdiń, sondaı-aq Aqsaı, Qarǵaly jáne Úlken Almaty ózenderiniń basseınderiniń jaǵdaıyna baǵa berildi. Jalpy, Almaty mańynda 45 muzdy kól bar, onyń jeteýinde bıyl preventıvti jumystar júrýde. Temperatýralyq rejımniń kóterilýine baılanysty muzdyqtar erýde.

Qaýipti jeti kóldegi sýdyń jalpy kólemi 1 mıllıon tekshe metrdi quraıdy, ıaǵnı qaýipsiz deńgeıge sáıkes. Sel qaýipi kezeńi bastaly maýsymnan beri 1,6 mln tekshe metr aǵyzyldy. Morendi kólderdiń jaǵdaıy 9 turaqty jáne 10 maýsymdyq gıdrobeketterde baqylanady. Almaty ákimdiginiń qoldaýymen olar turǵyn modýldermen, tirshilikke qajet jabdyqtarmen jáne baılanys quraldarymen qamtamasyz etilgen. Tikushaqpen tekserý nátıjesinde kólderdegi sýdyń syn deńgeıine jetpeıtini anyqtaldy. Morendi kólder men taýly ózenderdegi jaǵdaı turaqty.

Almaty ákimi B. Saǵyntaev qalanyń TJD- ne «Qazseldenqorǵaý» MM-niń aýmaqtyq bólimshesiniń mamandarymen birge megapolıs pen onyń turǵyndarynyń sel qaýipsizdigin qamtamasyz etý jónindegi is-sharalar keshenin júzege asyrýdy jalǵastyrýdy tapsyrdy. Eske salsaq, megapolıs ákimi B. Saǵyntaevtyń tapsyrmasy boıynsha qalanyń sel qaýipsizdigin qamtamasyz etý máselesi júıeli túrde sheshilýde. Máselen, Aqsaı men Úlken Almaty ózenderiniń basseınderinde eki sel bógetiniń qurylysy bastaldy. Bul gıdrotehnıkalyq qurylystar 3 myńǵa jýyq nysandy jáne 40 myńnan astam qala turǵyndaryn qorǵaýdy qamtamasyz etedi.

Sonymen qatar, qalalyq TJD sel qaýpin baqylaýdyń avtomattandyrylǵan júıesin engizý jobasyn júzege asyrýda. Birinshi kezeńde Úlken jáne Kishi Almaty ózenderine 10 stansııa ornatyldy. Taǵy 21 stansııa II-de kezeńde qoıylady. Júıe taýly ózenderdegi jaǵdaıǵa 10 parametrge deıin avtomatty túrde monıtorıng júrgizedi, onyń ishinde sý deńgeıi, aýa men sý temperatýrasy, topyraqtyń ylǵaldylyǵy, jaýyn-shashynnyń qarqyndylyǵy jáne seldi anyqtaý da teksveriledi. Tikushaqpen tekserý barysynda Almaty ákimi B. Saǵyntaev taýdyń qaýipsizdigin, taý lashyqtaryn, baqylaý-qutqarý pýnktterin, Tuıyq-Sý alpınıstik lagerinde tikushaq alańyn jasaý jobalarymen tanysty.