27 Shilde, 2021 Almaty
Foto: Almaty qalasynyń baspasóz qyzmeti
Almaty ákimi Baqytjan Saǵyntaev onlaın formatta ótken jeke qabyldaý kezinde qalalyqtardyń suraqtaryna jaýap berdi.
«Kamenskoe plato» eldi mekeniniń turǵyny J. Syrymbetovanyń ótinishi boıynsha qala ákimi bólý jelilerin qoldanystaǵy gaz qubyryna qosýdy jedeldetýdi tapsyrdy.
Sh. Dáýletqulova Shuǵyla shaǵyn aýdanynyń Tarǵap burylysyna káriz lıýkterin ornatýdy surady. Bul burylys ınjenerlik jelilerdi salý jobasyna engizilgen – munda 1,3 shaqyrym sýmen jabdyqtaý jáne sý burý jelileri tartylatyn bolady. B. Saǵyntaev jumystyń sapasy men oryndalý merzimin baqylaýǵa alýdy tapsyrdy.
D. Mırrahımovanyń ótinishi boıynsha qala ákimi zańdy baǵa berýdi, sondaı-aq turǵyn emes úı-jaılardy turǵyn úıge qaıta tirkeý prosesin jedeldetýge yqpal etýdi tapsyrdy.
Túrksib aýdanynyń turǵyny B. Júnisova egde jastaǵy áıelderdiń dástúrli án horyn uıymdastyrýǵa kómektesýdi surady. Megapolıs ákimi atalǵan ótinishke qoldaý bildirdi. B. Saǵyntaev qalada zeınetkerlik jastaǵy adamdarǵa, onyń ishinde «Belsendi uzaq ómir súrý» sııaqty jobalar aıasynda kómek kórsetiletinin atap ótti. S. Satybaldınanyń az qamtylǵan otbasylardaǵy bosanatyn áıelderdi qoldaý, sondaı-aq A. Bıtnerovtyń zamanaýı órt sóndirý quraldaryn engizý jónindegi usynystary jan-jaqty zerdelenetin bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir