Saǵyntaev Almatyda azyq-túlik ónimderiniń baǵasyn qalaı ustap turýǵa bolatyny týraly aıtty

«Almaty» TA-daǵy Akimat LIVE baǵdarlamasynyń efırinde qala turǵyndarynyń suraqtaryna jaýap bergen megapolıs ákimi Baqytjan Saǵyntaev azyq-túlik ónimderiniń baǵasyn turaqtandyrý sharalary týraly aıtty.

Shildeniń birinshi aptasynda TBI 0,4%-ǵa tómendegeni baıqaldy, bul qalanyń pozısııasyn 4 tarmaqqa (5-ten 9-ǵa) tómendetýge múmkindik berdi. Bul kórsetkishke jedel jáne strategııalyq sharalar arqyly qol jetkizdik.

Máselen, jeńildetilgen nesıe boıynsha jalpy somasy shamamen 8 mlrd.teńge berildi. Saýda jelileri men óndirýshiler qatysty. Mysaly "Magnum Cash & Carry" JShS-ǵa 12 ataýly ÁMAT-ti (un, kúrish, qaraqumyq jarmasy, makaron ónimderi, qant, kúnbaǵys jáne sary maı, aıran, sút, súzbe, taýyq eti jáne sıyr eti) osy jyldyń sońyna deıin belgilengen baǵamen alýǵa jáne uıymdastyrýǵa 3,1 mlrd tg bólindi.

Aǵymdaǵy jyldyń qarasha aıyna deıin 10 ÁMAT (un, kúrish, nan, makaron ónimderi, kúnbaǵys jáne sary maı, aıran, súzbe, taýyq eti, tuz) "Toımart" saýda jelisiniń sóresinde saralanǵan baǵany belgileý úshin 245 mln teńge osy maqsatqa paıdalanylady.

1 mlrd. tg - "Aqsaı "HBK" JShS 23,8 myń tonna nandy belgilengen naqty baǵasymen jetkizý úshin 75 tg/bólke osy jyldyń jeltoqsan aıyna deıin.

800 mln tg - "Alsad Qazaqstan" JShS-ne 49,6 mln. jumyrtqa jetkizý úshin belgilengen naqty baǵasy 400 tg/ondaǵan 3 jyl ishinde.

"Union Products" JShS-ne 2730 tonna et ónimin (1365 tonna sıyr eti men taýyq eti boıynsha) 132 dúkenge belgilengen baǵa boıynsha (2050 – sıyr eti, 782 tg-taýyq eti) 2022 jyldyń naýryzyna deıin jetkizý úshin 250 mln tg berilgen.

"Asyl Meat" JShS-niń 6 fırmalyq dúkenderine 2022 jyldyń maýsymyna deıin 2050 tg/kg baǵamen 90,5 tonna sıyr etin jetkizý úshin 88 mln tg berildi.

255 tg/kg-nan 5 myń tonna qant jetkizý úshin iri qant óndirýshi - "Merki qant zaýytyna" "aınalym" zaemyn berý pysyqtalyp jatyr.

Qalanyń jeti negizgi azyq-túlik bazarlarynda (Kók bazar, Jańa Aqbulaq (kóterme saýda), Sary-Arqa, Tastaq, Taýsamaly, Almaty-1, Túrksib jármeńkesi) "áleýmettik dúkender" jumys isteıdi. Bul bazarlarda ÁMAT-tyń 10 túri (kartop, sábiz, pııaz, qyryqqabat, qant, qaraqumyq, kúnbaǵys maıy, kúrish, makaron ónimi, un) ortasha naryqtyq baǵadan tómen baǵamen satylady, bul satýshylar arasynda básekelestik ortany qalyptastyrady jáne halyqty qoljetimdi baǵamen kókónis ónimderimen qamtamasyz etýge múmkindik beredi.

2021 jylǵy 24 maýsymda Almaty qalasy men Almaty oblysynyń óńiraralyq kooperasııasy aıasynda ózara yntymaqtastyq týraly Memorandýmǵa qol qoıyldy. Almaty oblysyna jasalǵan sapar qorytyndysy boıynsha "JLC Sút" JShS-men «Magným» saýda jelisine sút, súzbe ónimderin jetkizý jóninde kelisim jasaldy.

Sonymen qatar, "Naz-Dana" ShQ Small jáne Toimart saýda jelilerine 1 tonna pııaz jetkizedi. Sondaı-aq, "Alataý qus" kompanııasynan 820 tg/kg-nan 1200 tonna taýyq etin satyp alýǵa ónim jetkizý úshin 1 jylǵa 1 mlrd. teńge somasyna "aınalym" qaryzyn berý máselesi qaralyp jatyr. Sonymen qatar, kartop pen sábiz baǵasynyń ósýine baılanysty jedel túrde Túrkistan oblysynan kókónisterdi tikeleı jetkizý máselesi sheshildi. Bul kartopqa kóterme baǵany 260 tg/kg-nan 125 tg/kg-ǵa deıin, sábizge 450 tg/kg-nan 200 tg/kg-ǵa deıin tómendetýge múmkindik berdi. Bolashaqta naryqtyń tolyǵýyna baılanysty baǵany tómendetý tendensııasy saqtalady.

2021-2022 jj. maýsymaralyq kezeńde "Magným" jáne basqa da saýda jelilerinde satý úshin 2,5 mlrd. teńgege 22 myń tonna kókónisti satyp alýǵa «forvardyq» kelisim jasaldy.