Almaty qalasynyń ınfeksııalyq stasıonarlarynda 5 060 tósek-oryn bar

Qalalyq Qoǵamdyq densaýlyq basqarmasynyń basshysy Narıman Tabynbaev О́ńirlik kommýnıkasııalar qyzmetinde ótken baspasóz konferensııasynda megapolıstegi koronavırýs ınfeksııasyna qatysty jańa derekterdi aıtty. Almatyda KVI indetin juqtyrǵan naýqas aǵynynyń yqtımal ulǵaıýyna daıyndalyp jatqanyn aıtty.

N. Tabynbaevtyń aıtýynsha, 11 shilde kúni juqtyrýdyń  638 jaǵdaıy tirkelgen. Búginde juqpaly aýrýlar stasıonarynda 1 724 adam, onyń ishinde 143 bala bar. Úlestik qatynasta 34% tósek-oryny bar.

Bul rette aýrýhanalardaǵy naýqastar sany ótken 10 kúnde 2,5 ese ósti. Reanımasııa jáne qarqyndy terapııa bólimshesinde 121 naýqas jatyr, О́JJ apparatyna 17 adam qosylǵan. Reanımasııadaǵy naýqastardyń sany 10 kún ishinde 50-den 121-ge deıin ósti.

Úıde alǵashqy medısınalyq-sanıtarlyq kómek jáne telemedısına ortalyǵy dárigerleriniń baqylaýynda 3 255 naýqas bar.  Dárigerlerdiń aıtýynsha, 40 jasqa deıingi adamdar arasynda juqtyrǵandar sany kúrt ósti.

"Delta" – shtammy óte qaýipti. Naýqastardy emdeý ár túrli emes, biraq dári-dármekterdi taǵaıyndaýdyń bir ereksheligi bar. Infeksııa kezinde qandaı organdar áser etetindigi de eskeriledi. Búırekter jıi zaqymdanady", – dedi N. Tabynbaev.

Qoǵamdyq Densaýlyq  basqarmasynyń basshysy densaýlyqqa zııan keltirýi múmkin kidiristi boldyrmaý mańyzdy dedi. N. Tabynbaev qala turǵyndaryn koronavırýsqa qarsy vaksına alýǵa shaqyrady, sebebi bul dert kúrdeli asqynýlarǵa alyp keledi. Indet pen koronavırýstyq shtammdardyń taralýyn toqtatýdyń jalǵyz múmkindigi vaksına alý.

Eske salsaq, 12 shildedegi jaǵdaı boıynsha Almatyda I komponentpen 585 116 adam vaksına aldy. О́tken táýlikte 9 418 adam ekpe aldy.

Almaty qalasynda 212 vaksına pýnkti jumys isteıdi. 1 260 adam jumyldyrylǵan 308 ekpe brıgadasy qyzmet atqarady. Qalada vaksına pýnkti jetkilikti.