• USD 468.56

  • EUR 497.56

  • RUB 7.3

  • CNY 67.18

28 Naýryz, 16:23:15
+35°

Batys Qazaqstan oblysy Mahambet aýylynyń ákimi Beıbit Amanǵalıevtiń ústinen is qozǵaldy. Bul týraly "Moı GOROD" saıty habarlady.

29 shildede memlekettik qyzmet isteri departamenti ákimniń ústinen tártiptik is qozǵalǵanyn habarlady. Vedomstvonyń bas mamany Dáýren Qaıyrovtyń aıtýynsha, Báıterek aýdany Mahambet aýyldyq okrýginiń turǵyny ákimniń ústinen aryzdanǵan. Ákim Beıbit Amanǵalıev oǵan til tıgizip, ar-namysy men qadir-qasıetin qorlaıtyn sóz aıtqan.

– Aýyl turǵyndarynyń jınalysy kezinde ákim (Beıbit Amanǵalıev-red) men Tańjaryqova (shaǵymdanýshy-red) arasynda janjal týyndaǵan. Artynan ákim basqa bir adamǵa WhatsApp messendjeri arqyly daýystyq aýdıohabarlama jibergen. Onda áıeldiń ar-namysyna tıetin ádepsiz sózder aıtylǵan. Keıin aýdıojazba áıeldiń qolyna túsken. Balaǵat sóz bolmaǵan, biraq ar-namysy men qadir-qasıetine nuqsan keltiretin sózder aıtylǵan, – dedi D. Haırov. 

Talqylaý nátıjesinde Ádep jónindegi keńes Beıbit Amanǵalıevtke shara qoldanyp, oǵan "qatań sógis" jarııalaý týraly sheshim qabyldady.

Ákim Beıbit Amanǵalıev memlekettik qyzmette 11 jyldan beri istep keledi. Sheneýnik atalǵan jaıt boıynsha óz qateligin moıyndap, eshbir jaǵdaıda aýyl turǵyndaryn renjitkisi kelmeıtinin aıtty.

Buǵan deıin, BQO Báıterek aýdany Iаnıkıno aýylynyń ákimi Aýǵan Almýrzınge qatysty is qozǵalǵan. Ol kólik quralyn mas kúıinde basqarǵany úshin 15 táýlikke qamaýǵa alynyp, 7 jylǵa kólik júrgizý quqyǵynan aıyrylǵan. Osylaısha, ádep jónindegi keńeste sheneýnikti qyzmetinen bosatý týraly sheshim qabyldanǵan.

"Qamshy" silteıdi
Ilmek sózder: BQO ákim

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir