• USD 475.51

  • EUR 464.15

  • RUB 8.2

  • CNY 66.85

03 Qazan, 20:12:04
Almaty
+14°

Jas IT mamandar Turlanbaev Nursultan jáne Balııhanov Nursultan "ALL FOOD" dep atalatyn baǵdarlamany oılap tapty. Mobıldi qosymsha halyqtyń ómir sapasyn arttyrýǵa jáne ýaqytty únemdeýge baǵyttalǵan.

IT mamandary taǵamǵa tapsyrys berý jáne jektizý qyzmeti boıynsha "ALL FOOD" mobıldi qosymshasyn búginde qala jáne aýyl turǵyndaryna usynyp otyr. Atalǵan mobıldi qosymsha 2 jyldan asta ýaqyt júzege asyrylyp keledi. Qazirgi kezde mobıldi qosymshaǵa qalalar, aýdan men aýyldardy qosqanda 100- ge jýyq dámhanalar tirkelip, paıdalanýda. Atap aıtsaq, Jańaózen, Aqtaý, Qulsary qalalarynda jáne Beıneý aýdanynda jumys jasaýda.

Jas mamandardyń pikirinshe, máselen,úıińizge qonaqtar keledi, alaıda Siz jumysyńyzdan bosaı almaı jatsyz ba? Bolmasa úıden shyǵýǵa ýaqytyńyz bolmaı jatyr ma? Osyndaı ýaqytta "ALL FOOD" mobıldi qosymshasyn paıdalanýǵa úlken múmkindik bar. Mobıldi qosymshanyń tıimdiligi – úıden shyqpaı- aq ózińizdiń qalaǵan taǵamdaryńyzǵa tapsyrys bere alasyz. Odan bólek, kúndelikti tutynatyn azyq – túlikke tapsyrysyńyzdy berseńiz bolady. Mamandar ónimińizdi ýaqytynda jetkizedi.

Jańaózendik jas IT mamandary aldaǵy ýaqytta mobıldi qosymshany búkil Qazaqstanǵa tanytýdy kózdeıdi. Olar barlyq oblys pen qalalarda qyzmet sapasyn arttyrýdy maqsat etken. Halyqtyń ómirin jaqsartyp, jaılylyq syılaý úshin búginde úzdiksiz qyzmet etýde.

Jastar bul qosymshany paıdalanýda eshqandaı qıyndyqtar joq deıdi, tek qana uıaly telefondy mobıldi qosymshaǵa tirkese, baǵdarlama smartfondaǵy App Store jáne Play Market qosymshasy arqyly júkteledi. "ALL FOOD" - eń qajetti nárseni jetkizedi. Sonymen qatar, atalǵan jas IT mamandar 2020 jyly 12-13 qarasha kúnderi Aqtaý qalasynda ótken óńirlik "RIFMO-2019 IT forýmda" júldeli 1 orynǵa ıe boldy.

Qamshy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir