"Jaǵdaı kúrdelenip jatyr". Bekshın jańa qaýly jarııalaıtynyn aıtty

Almatynyń bas sanıtar dárigeri Jandarbek Bekshın qalada epıdemıologııalyq jaǵdaı kúrdelenip jatqanyn málimdedi. 

– Pandemııa bastalǵaly qala úsh tolqynnan ótti, qazir tórtinshi tolqynǵa kirip jatyrmyz. Sondyqtan qaladaǵy epıdemıologııalyq jaǵdaı kúrdelenip jatyr. Sońǵy aptany alsaq, ótken aptamen salystyrǵanda naýqastar sany 5790-nan 8393-ke  deıin ósti, – dedi ol. 

Bekshınniń aıtýynsha, 23 shildeden bastap indet juqtyrǵandar sany kúnine myńnan asýda. О́tken táýlikte 1470 adamǵa jetken. Al tamyzda tórtinshi tolqyn sharyqtap, qyrkúıektiń basynda aýrý juqtyrǵandar sany azaıady.

– Qazir bar kúshimizdi halyqty vaksınalaýǵa baǵyttap jatyrmyz. Qalada vaksınanyń birinshi komponentin turǵyndardyń 35,2 paıyzy saldyrdy. Qazir ımmýndyq qabat 34 paıyzdy kórsetip otyr, —dedi bas sanıtar dáriger. 

Sonymen qatar ol 30 shildede jańa qaýly jarııalaıtynyn aıtty. 

– Bul qaýly 2-16 tamyz aralyǵynda kúshinde bolady. Qujatty "Atameken" ulttyq  kásipkerlik basqarmasymen talqyladyq. Biraq  túpkilikti usynystar men talaptardy kútemiz. Ásirese Ashyq júıesi boıynsha jumys istemeıtin nysandardyń qyzmetin shekteýimiz kerek, –  dedi Bekshın.