Koronavırýs: Bir táýlikte 97 adam qaıtys boldy

28 shildede PTR arqyly 7479 adamnan koronavırýs, 262 adamnan pnevmonııa anyqtalǵan. 

27 shildedegi jaǵdaı boıynsha, koronavırýstan 81, pnevmonııadan 16 adam kóz jumǵan. 

Qazaqstan óńirlerindegi epıdemıologııalyq ahýaldy baǵalaý matrısasyna sáıkes Túrkistan oblysy ǵana "sary" aımaqta, qalǵan óńirlerdiń bári "qyzyl" aımaqta ornalasqan. 

29 shildedegi málimet boıynsha  88 495  adam koronavırýstan, 2 272 pnevmonııadan emdelip jatyr. Olardyń ishinde 25 714 pasıent stasıonarda, 65 053 naýqas ambýlatorııalyq deńgeıde em qabyldaýda. 

Indetke shaldyqqandar arasynda  1 573 adamnyń jaǵdaıy aýyr, 332 pasıenttiń jaǵdaıy óte aýyr, 154 naýqas О́JJ apparatynda jatyr.

29 shildedegi málimet boıynsha Qazaqstanda vaksınanyń I komponentin 5 275 626 adam, II komponentin 3 535 508  adam saldyrǵan.