• USD 465.38

  • EUR 483.58

  • RUB 7.69

  • CNY 64.95

27 Qarasha, 18:20:03
Almaty
-9°

Bul máseleniń týyndaǵanyna kóp bola qoıǵan joq. Alaıda, elimizdiń mádenıet jáne sport mınıstrligi osyǵan oraı mardymdy jaýap qaıtaratyn túri joq.

Eske sala keteıik, bul keshenniń qurylysyna memleket tarapynan 124 mıllıon AQSh dollary jumsalǵan bolatyn. Qazirgi baǵammen eseptegende bul degenińiz 53 mıllıard teńge eken. Qazirgi tańda sportshylar osy keshende sporttyń 18 túrimen shuǵyldanady.

Jekeniń qolyna ótken jaǵdaıda, ol jerde tek velotrek qana qalyp, jyl saıyn 2 mıllıard teńge ǵana sýbsıdııa tólenedi dep kútilýde.

Sporttyń qalǵan 17 túriniń taǵdyry ázirge eshkimge beımálim qalyp otyr. Sol sııaqty osy mańyzdy obektiniń kimniń qolyna ótetini de jumbaq kúıinde.

Astanamyzdyń sol jaǵalaýynda ornalasqan «Saryarqanyń» jalpy aýmaǵy 50 000 sharshy metrdi quraıdy. Velotrek pen muz aıdynyn qamtıtyn bul keshende olımpıada sportshylary daıarlyqtan ótedi, sonymen qatar turmysy tómen otbasylar men múgedekter úshin de jeńildikter qarastyrylǵan edi.

Keshenniń eń mańyzdy artyqshylyǵy mynada. Ondaǵy arenany kez-kelgen sátte boks, dzıýdo, gımnastıka, basketbol, voleıbol jarystaryn ótkizýge, sondaı-aq, konserttik baǵdarlamalar uıymdastyrýǵa yńǵaılastyrýǵa bolady.

Sonymen, Astananyń sol jaǵalaýynda jasalyp jatqan bylyqtar bir-birimen battasyp jatyr.

Sportqa eshbir qatysy joq kompozıtor-mınıstr Japonııaǵa at terletip baryp, olımpıadany japadan jalǵyz tamashalap máz, al ulttyq arnalardan jankúıer bolýdy qansha armandaǵan biz sekildi qarapaıym jurt joǵary bılikte otyrǵan sheneýnikterdiń bul áreketin túsinbeı dal bolýda. Basqa basqa sport jáne dene shynyqtyrý komıtetiniń tóraǵasy Serik Sapıev muny túsinýi tıis emes pe! Ne teledıdarda joq, tek áleýmettik jelilerden ǵana oqımyz da qoıamyz. Biz qaı ǵasyrda ómir surip otyrmyz?

Al chempıondar lıgasy degende, barlyq traslıasııaǵa qyrýar qarjy bólinedi. Aý, Olımpıada oıyndarynda elimizdiń namysyn jyrtýǵa barǵan jerlesterimizdi kók jáshikke telmirip, qoldaý kórsete almasaq, eldigimiz qaıda?

Endi mine sol soraqylyqtyń sońyn ala Nur-Sultannyń qaq tórindegi «Saryarqa» da qoldy bolyp ketpek pe! Al, Mádenıet (ókinishke qaraı sport emes) mınıstrliginiń jaǵasy jaılaýda.

Sóıtip, KIMNIŃ QOLYNA, KIMGE О́TPEK? Bizdiń salyq tólemderimizdiń esebinen salynǵan osyndaı OBEKTILER bizdiń pikirimizdi pysqyrmaı, jeke menshikke óte berýi tıis pe?

Memlekettik jeke kásipkerlik mekemesi múmkindiginshe qoldan kelgenniń bárin jasap jatyr. Bir jaǵynan olardy túsinýge de bolady. Degenmen, olardyń da jumysyn miz baqpas sheneýnikter ábden sergeldeńge salǵanǵa uqsaıdy.

Shyntýaıtqa kelgende, Mádenıet mınıstrligi memleketimizge degen senimdi tam-tumdap joǵalta bastady!

Turmysy tómen otbasylar men múgedekter tirnektep jıǵan-tergenderin sportpen shuǵyldanýǵa, salaýatty ómir saltyn qalyptastyrýǵa jumsap, keıbir ata-analar ózderiniń qoldary tımese de, baldaryn sport úıirmelerine berdim dep máz bop júrgende, kenetten osyndaı problemalarǵa uryna bastady. Jer astynan jik shyqty, eki qulaǵy tik shyqty! Sonda sporttyń qalǵan 17 túrin shendi shekpendiler doıbynyń tastaryn sekildi taqtadan shertip-shertip dalaǵa laqtyryp tastaı bergeni me?

Eń soraqysy sol, jekeniń qolyna ótip ketken jaǵdaıdyń ózinde jeke mepnshik ıesine memlekettik bıýdjetten jyl saıyn 2 mıllıard teńge bólinip otyrady eken! Al bul aqsha tek velosportshylar úshin ǵana!

Endi myna faktige nazar aýdaryp kórińizshi. Olımpıada sportshylaryn daıarlaıtyn ortalyqtyń eki kesheni bar. Sporttyń ondaǵan túrlerine ol jerde jylyna shamamen 2,8 mıllıard teńge bólinedi. Sonda velosport bizdiń ulttyq oıyn túri me?

Egemendiktiń alǵashqy jyldary eriksiz esimizge túsedi. Memlekettik obektiler, balabaqsha, basqa da mádenı oshaqtar bolmashy baqyrǵa satylyp, sheneýnikterdiń shekpenin jamylǵandar oılaryna kelgenderin jasaı bastady.

Túk ózgermeppiz! Baıaǵy jartas sol jartas!

Ǵ. Bekzat

"Qamshy" silteıdi
Ilmek sózder: Saryarqa

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir