• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 09:04:16
Almaty
-1°

Rejısser, óner qaıratkeri Bolat Atabaev ómirden ozdy. Jaqyndary onyń birneshe kún buryn búıregine sýyq tıgizip, aýrýhanaǵa túskenin aıtady.

Bolat Manashuly Atabaev 1952 jyly 14 mamyrda Almaty oblysy Tentek aýylynda týǵan.

1974 jyly Qazaq memlekettik halyqaralyq qatynas tilderi ýnıversıtetin, 1983 jyly teatr jáne kórkemsýret ınstıtýtyn bitirgen. 1990 jyly Germanııadaǵy Mıýnhen ulttyq teatrynda tájirıbeden ótken.

Rejısserlik jolyn Qaraǵandy oblysynyń Temirtaý qalasyndaǵy Nemis drama teatrynda spektaklder (F.Shıllerdiń "Zulymdyq pen mahabbaty" t.b.) qoıýmen bastaǵan. 

1990 jyly Qazaq memlekettik akademııalyq drama teatryna aýysyp, ol jerde B.Rımovanyń "Qos munlyq", M.Maqataevtyń "Qosh, mahabbat" (ekeýi de 1991), I.Orazbaevtyń "Shyńǵys han" (1994), Q.Ysqaqtyń "Jan qımaq" (1995), R.Muqanovanyń "Máńgilik bala beıne" (1996), Á.Kekilbaevtyń "Abylaı han" (1998; spektakl premerasy Nur-Sultan qalasynda ótti), A.Chehovtyń "Shaǵala" (1998), M.Meterlınktiń "Soqyrlar" (1993), B.Brehttiń "Toǵyshardń toıy" (1999); sonymen qatar R.Muqanovanyń "Qaraly sulý" (M.Áýezovtiń shyǵarmasy boıynsha; 1997, Qazaq memlekettik akademııalyq jastar men balalar teatry), R.Bolgtyń "Kishkene seri" (1981, Germanııadaǵy Parhım teatry) t.b. spektaklderdi qoıǵan.

Respýblıkalyq nemis teatryna basshylyq jasady.

Áriptesteri ony batyl sahnalyq eksperımentterge baratyn, spektakldiń kórkemdik- estetıkalyq mán-mazmunyn ashýǵa den qoıatyn izdenimpaz rejısser retinde sıpattaǵan.

Bolat Atabaev eldegi saıası-qoǵamdyq máselelerge jıi ún qatyp, bılikti synaǵan. Oppozısııalyq belsendiligi úshin qýǵyndalǵan. Jańaózen oqıǵasynan keıin "áleýmettik arazdyq qozdyrý" baby boıynsha qamalyp, keıin bosatylǵan. Onyń qamalýyna qoǵamda qarsylyq tanytqandar kóp boldy.

Rejısser bosap shyqqan soń da belsendiligin toqtatpady. Biraq ony qýǵyndaý da toqtaǵan joq. Aqyry Atabaev Germanııaǵa ketip, sol jaqta on jylǵa jýyq ýaqyt turyp keldi. Germanııada dáris bergen. Byltyr sol jaqta aýyr operasııa jasatqan.

Rejısserdiń otanyna oralǵanyna kóp bolmaǵan.

"Qamshy" silteıdi
Ilmek sózder: Bolat Atabaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir