Dáriger koronavırýspen aýyrǵan adam kereń bolyp qalýy múmkin ekenin aıtty

Koronavırýspen aýyrǵan kezde ıis pen dám sezý ǵana joǵalmaıdy, estý qabileti de nasharlaıdy. Bul týraly medısına ǵylymdarynyń kandıdaty Vladımır Zaısev Sputnik radıosyna bergen suhbatynda aıtty.

– Koronavırýs ınfeksııasy – neırotropty vırýs, ol júıke júıesin zaqymdap, sensonevraldy kereńdikke ákep soǵýy múmkin. Mundaı jaǵdaıda estý júıkesiniń túkshe jasýshalary zaqymdanady, sóıtip adamnyń qulaǵy estimeı qalady, – dedi maman.

Dáriger aýrý saldary bolatyndyqtan, naýqastardy óz betinshe emdelmeýge shaqyrdy.

– Vırýs bizge aýa-tamshy arqyly juǵatyndyqtan, muryn arqyly enetin ınfeksııa jutqynshaq arqyly da ótedi. Sol kezde estý tútiginde problema paıda bolyp, evstahııtke (estý tútiginiń qabynýy – red) ákep soǵady. Eger estý qabiletińizdiń nasharlaǵanyn baıqasańyz, shuǵyl dárigerge qaralý qajet. О́ıtkeni dáriger sizge sebebin anyqtap, emdeý jolyn kórsetedi. Úıde ózdiginen emdelý jaǵdaıdy nasharlatyp jiberýi múmkin, – dep eskertti dáriger.