• USD 468.56

  • EUR 497.56

  • RUB 7.3

  • CNY 67.18

28 Naýryz, 16:47:36
Almaty
+35°

Densaýlyq saqtaý mınıstri Alekseı Soı Ortalyq kommýnıkasııalar qyzmetinde ótken brıfıngte birqatar óńirlerdegi kovıdtik stasıonarlarda oryn tolyq ekenin, bul densaýlyq saqtaý júıesiniń shamadan tys júktemesine alyp keletinin málimdedi.

Onyń aıtýynsha, aldyńǵy eki aptamen salystyrǵanda sońǵy eki aptada respýblıka boıynsha barlyq óńirlerde syrqattanýdyń ósýi baıqalady. Maýsym aıymen salystyrǵanda ortasha táýliktik syrqattaný deńgeıi 5,2 ese ósken. 1 shildemen salystyrǵanda elde ınfeksııalyq jáne reanımasııalyq tósek-orynmen qamtý 3 ese údemeli túrde ósken.

28 shildedegi jaǵdaı boıynsha respýblıka boıynsha ınfeksııalyq tósek-oryndarmen qamtý 53%-dy, reanımasııalyq tósek-oryndarmen qamtý 43%-dy quraǵan. Almaty, Shymkent qalalarynda, Aqtóbe, Túrkistan jáne Qyzylorda oblystarynda ınfeksııalyq jáne reanımasııalyq tósek-orynmen qamtýdyń joǵary qarqyny baıqalady.

Búgingi kúni el boıynsha 90 myńǵa jýyq adam naýqas, onyń 25 myńǵa jýyǵy stasıonarlarda, 65 myńǵa jýyǵy ambýlatorııalyq em alýda. Shilde aıynyń basymen salystyrǵanda aýyr naýqastardyń sany 2,1 ese ósken. 1000-ǵa jýyq naýqas ókpeni jasandy jeldetý apparattaryna qosylǵan. Mınıstrdiń aıtýynsha, Nur-Sultan, Shymkent qalalary jáne birqatar oblystarda ınfeksııalyq jáne reanımasııalyq tósek-oryn tapshylyǵy bolýy múmkin.

Mınıstr naýqastardyń 99,9%-y vaksınasııalanbaǵanyn, bul ımmýndaýdyń qaýipsizdigi men tıimdiligin rastaıtynyn atap ótti.

– Árbir qazaqstandyqtan vaksınasııalaý týraly sanaly sheshim qabyldaýdy, ózin, jaqyndaryn qorǵaýdy jáne elimizde ujymdyq ımmýnıtetti qalyptastyrýǵa óz úlesin qosýdy suraımyn. Koronavırýstyń turaqty túrde bola beretin mýtasııasy kezinde bul qorǵanýdyń jalǵyz joly, – dedi A. Soı.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir