• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 22:31:33
Almaty
+15°

Prezıdent Qasym-Jomart Toqaevqa Aqmola oblysynyń ınvestısııalyq jobalary tanystyryldy. Bul týraly Aqorda saıty habarlady.

Aqmola oblysyna jasaǵan jumys sapary barysynda Qasym-Jomart Toqaevqa aımaq ákimi Ermek Marjyqpaev óńirdegi júzege asyrylyp jatqan ınvestısııalyq jobalar men Kókshetaý qalasynyń damý perspektıvalary týraly esep berdi.

Prezıdentke aımaqtyń negizgi áleýmettik-ekonomıkalyq kórsetkishteri, agroónerkásip, týrızm, taý-ken metallýrgııalyq kesheni, mashına jasaý, qurylys ındýstrııasy, energetıka jáne basqa da salalardaǵy ınvestısııalyq jobalar tanystyryldy.   

Oblys ákiminiń esebin tyńdaǵan memleket basshysy óńirdi damytýdyń basym baǵyttaryn belgilep berdi.

– Oblystyń aldynda birqatar mindet tur. Sonyń ishinde astyq jınaý naýqany. Árıne, bul naýqannyń sátti aıaqtalýy tabıǵatqa tikeleı baılanysty ekenin túsinemiz. Degenmen, tabıǵı jaǵdaılardyń keri áserin meılinshe azaıtyp, astyqty barynsha mol jınaý kerek. Bul – bir. Ekinshiden, bıylǵy jaz ne kórsetti?! Mal sharýashylyǵymen aınalysatyn qojalyqtar mal satyp alyp, ózderin fermermiz dep ataıdy. Biraq jem-shóp qoryn ázirleýdi umyt qaldyrady. Sizdiń baıandamańyzda bul máseleniń qamtylǵany durys boldy. Qazir osy túıtkildi sheshýmen aınalysý kerek, – dedi Qasym-Jomart Toqaev. 

Q.Toqaev Qosshy aýylyna oblystyq mańyzy bar qala mártebesin berý týraly sheshimin túsindirdi.

– Jarlyqqa qol qoıyldy. Atalǵan qujatqa qol qoıylýyn jáne oblystyq mańyzy bar qala mártebesiniń berilýin kópshilik keńinen qoldap jatyr. Biraq, osy sheshimniń máni men mańyzyn tek oblys kóleminde ǵana emes, jalpy elimiz boıynsha halyqqa qosymsha túsindirý kerek. Bul sheshim, eń aldymen, Qosshy turǵyndarynyń ómirin jeńildetý maqsatynda qabyldandy. Onda qaǵaz boıynsha 40 myńǵa jýyq turǵyn ómir súredi. Shyn máninde, ol jerde 80 myń adam turady. Olar turmystyq máselelerimen oblys ortalyǵy Kókshetaýǵa barýǵa májbúr bolady. Oǵan kóp ýaqyt, kúsh jumsaıdy. Árıne, bul turǵyndardyń júıkesin juqartady. Sondyqtan qalanyń ákimshilik mártebesin ózgertetin osyndaı sheshim qabyldandy. Men muny durys sheshim dep esepteımin, – dedi prezıdent.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir