• USD 468.56

  • EUR 497.56

  • RUB 7.3

  • CNY 67.18

29 Naýryz, 04:06:29
Almaty
+35°

El prezıdenti Qasym-Jomart Toqaevtyń bastamasymen qolǵa alynǵan aýdandyq mańyzy bar qalalar, aýyldar, kentter men aýyldyq okrýgter ákimderiniń alǵashqy tikeleı saılaýynyń qorytyndysy boıynsha «Nur Otan» partııasynyń kandıdattary jáne ózin-ózi usynýshy partııa músheleri okrýgterdiń 86%-dan astamynda jeńiske jetti. Aýmaqtyq saılaý komıssııalarynyń málimetteri boıynsha, partııanyń 627 kandıdaty ákim bolyp saılandy, onyń ishinde 65-i – ózin-ózi usynýshy nurotandyqtar.

Partııanyń baspasóz qyzmeti habarlaǵandaı, úgit-nasıhat kezeńinde «Nur Otan» kandıdattary 1,2 mln saılaýshyny qamtyǵan. 45 myńnan astam kezdesý men is-shara ótkizildi. Olardyń úshten bir bóligi onlaın formatta bolsa, qalǵandary sanıtarlyq talaptardy saqtaı otyryp júzege asty. 228 myń úgit materıaly taratyldy. Úgit-nasıhat barysynda partııanyń qoǵamdyq qabyldaý bólmelerine 1,5 myń ótinish kelip túsip, olar jergilikti jerlerde jedel sheshildi.

Jeńiske jetken nurotandyqtardyń 35%-dan astamy – jańa tulǵalar, onyń ishinde bilim berý salasynyń ókilderi, kásipkerler, fermerler, al 65%-y qyzmettegi ákimder. Kandıdattardyń ortasha jasy – 46 jasty qurady. Áıelder – 11,5%, 35 jasqa deıingi jastar – 14,2%. Kópshiligi bastaýysh partııa uıymdarynyń tóraǵalary men taıaýda ótken partııaishilik praımerızdiń qatysýshylary.

Barlyq kandıdattar men shtab músheleri buǵan deıin partııanyń Saıası menedjment mektebi bazasynda semınarlardan ótip, qajetti uıymdastyrýshylyq, ádistemelik jáne basqa da qoldaýmen qamtamasyz etilgenin aıta ketken jón. Árqaısysynda aýmaqtyń múmkindigin eskere otyryp, partııanyń qoldaýymen tıisti resýrstarmen qamtamasyz etilgen óz saılaýaldy baǵdarlamasy boldy.

«Partııamyzdyń Lıderi Nursultan Ábishuly Nazarbaev aıtqandaı, nurotandyqtardyń basty qaǵıdattary – jaýapkershilik, komandalyq rýh, partııa ıdealdary men qundylyqtaryna beriktik. «Nur Otan»-nyń mindeti – tek saılaýda jeńiske jetý ǵana emes, aýyldardyń damýyna júıeli jaǵdaı jasaý, azamattardyń naqty máselelerin sheshý. Partııa óz kandıdattaryn usyna otyryp, birinshi býyn ákimderdiń el Prezıdenti Qasym-Jomart Toqaev usynǵan «Halyq únine qulaq asatyn memleket» tujyrymdamasy aıasynda halyqpen ózara árekettestiginiń jańa mádenıetin qalyptastyra otyryp, zamanaýı tásilderdi endirýde» - dep buǵan deıin atap ótken edi partııa Tóraǵasynyń birinshi orynbasary Baýyrjan Baıbek Facebook paraqshasynda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir