• USD 468.56

  • EUR 497.56

  • RUB 7.3

  • CNY 67.18

29 Naýryz, 09:51:34
Almaty
+35°

Tórtkúl dúnıe kútetin olımpıada oıyndarynyń chempıondary elinde "batyr" atanyp qana qoımaı, qomaqty qarjy alady. Tómendegi materıalda olımpıada chempıondaryna qaı el, qansha syıaqy beretini týraly baıandalady.

Qazaqstan olımpıada oıyndarynda altyn alǵan sportshysyna 250 myń dollar kóleminde syıaqy taǵaıyndaǵan. Kúmis alǵan sportshyǵa 150 myń dollar, qola júldegerge 75 myń dollar beriledi. Sportshyny jattyqtyrǵan bapkerge de osy soma beriledi. Onyń 10 paıyzyn alǵashqy jattyqtyrýshysy, 80 paıyzyn qazirgi bapkeri, qalǵan 10 paıyzyn ulttyq quramanyń bas bapkeri alady. Budan bólek oblys, qala ákimdikteri de júlde alǵan sportshylarǵa páter men kólik berip jatady.

Bıyl olımpıada chempıonyna beriletin syıaqy mólsheri jaǵynan Sıngapýr eli álemniń aldyna shyqty. Bul elde altyn medal ıegerleri 1 mıllıon dollar syıaqy alady. Kúmiske 500 myń, al qolaǵa 250 myń dollar beriledi.

Syıaqy mólsheri jaǵynan ekinshi orynda Indonezııa tur. Olımpıada chempıony qaltasyna 745 myń dollardy basady. Biraq bir eskeretin jaıt, atalǵan elderde syıaqy birden berilmeıdi. Búkil soma aldaǵy 10-20 jylda bólinip tólenedi. 

Burynǵy KSRO elderiniń arasynda Qazaqstan syıaqy mólsheri jaǵynan Grýzııadan keıin tur. Olımpıadada altyn alǵan grýzın sportshylary 322 myń dollar shamasynda syıaqy alady.

Ázerbaıjan eli de sportshylarynyń jetistigi úshin qomaqty qarjy bólgen. El úkimeti olımpıada chempıonyna 248 myń dollar shamasynda syıaqy taǵaıyndaǵan.

О́zbek sportshylary altyn alsa, qaltasyn 200 myń dollarǵa qalyńdatady. Moldova men Italııa olımpıada chempıondaryna 166 myń dollar aqsha beredi.

Fransııa memleketiniń syıaqysy altynǵa – 55 myń dollar, kúmiske – 22 myń dollar, qolaǵa – 14 myń dollar.

Al Reseı altyn júldege 54,5 myń dollar taǵaıyndasa, kúmis júldege 34,5 myń dollar, qolaǵa 23,3 myń dollar syıaqy beredi.

AQSh altyn medal alǵandarǵa 37,5 myń dollar, kúmiske 22 myń dollar, qolaǵa 15 myń dollar beredi.

XXXII jazǵy olımpıada oıyndaryn ótkizip jatqan Tokıo memleketi altyn alǵan sportshylaryna 36,9 myń dollar, kúmiske 14 myń dolllar, qolaǵa 7500 myń dollar taǵaıyndaǵan.

Derekkóz: Prosports.kz

"Qamshy" silteıdi
Ilmek sózder: Olımpıada Tokıo-2020

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir