Shymkentte qoraz tóbelestirgen 100 shaqty adam ustaldy

Shymkentte qoraz tóbelestirgen 100 shaqty adam ustaldy, – dep habarlady Polisia.kz.

Kezekti reıdtik is-shara barysynda Qarataý aýdanyna qarasty Saıram eldimekeni, Jańa-qurylys kóshesindegi nómirsiz meken-jaıdan jergilikti turǵyn 100 shaqty adamdy jınap, qoraz tóbelestirgeni anyqtalǵan.

"Atalǵan jaıt boıynsha jınaqtalǵan qujattar Shymkent qalasy Qarataý aýdanynyń Sanıtarııalyq-epıdemıologııalyq baqylaý basqarmasyna karantın rejıminiń buzylýyna jol bergen azamattarǵa qatysty QR ÁQBTK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha zańdy sheshim qabyldaý úshin joldandy" delingen polısııa taratqan habarlamada.