26 Shilde, 2021 NEWS О́zgertý

Nóser, qar, sý tasqyny. Sońǵy aptadaǵy tabıǵı kataklızmder (vıdeo)

Fotokollaj

Álemniń túkpir-túkpirinde tabıǵattyń túrli tosyn syıy men apattar bolyp jatyr.

Aıtalyq, mol mólsherde túsken jaýyn-shashyn saldarynan Londonnyń kóptegen aýdandarynyń kósheleri sý astynda qaldy.

VVS degeginshe, uzyn-sonar kólik keptelisteri paıda bolyp, poıyz ben metro qozǵalysy buzylǵan. Soltústik aınalma jol men Temza ózeniniń astyndaǵy tonnel, 8 metro beketi jabylǵan.

Ulybrıtanııa bıligi jaýyn deńgeıi 100 mıllımetrge jetken eldiń ońtústik-shyǵysynyń basym kópshiligindegi jaǵdaıǵa baılanysty "sary deńgeı" jarııalady.

– Men Londonda týyp-óstim. Mundaıdy ómirimde kórmeppin. Avtobýstar sýdan qozǵala almaı bir orynda turyp qaldy, – deıdi velosıpedıst Eddı Ellıott.

Sınoptıkter alda taǵy nóser jaýyp, jel soǵýy múmkin ekenin eskertti.

Al Afrıkanyń ońtústiginde qar jaýyp, rekordtyq aıaz tirkeldi. Ońtústik Afrıka respýblıkasynyń ortalyq bóliginde aýa temperatýrasy mınýs 10 graýdýsqa deıin tómendegen. Kóktaıǵaqqa baılanysty joldar jabylǵan.

"#Snowstorm in #Africa!" #Snow in #SouthAfrica this week with 19 records smashed in past 24 hours for #ColdestDayEver! pic.twitter.com/oDtq17Wk1u
— South Africa People - SAPeople.com (@sapeople) July 23, 2021

Dw.com basylymynyń jazýynsha, 24 shilde túnde boıynsha eldiń 19 aýdanynda tómengi temperatýra rekordy tirkelgen.

О́tken aptada Túrkııanyń Rıza jáne Artvın provınsııalarynda nóserden sý tasqyny boldy. Arhavı ózini arnasynan asyp, aýdan ortalyǵy men aýyl joldaryn basyp qalǵan.

Germanııanyń Reınland-Pfals, Soltústik-Reın-Vestfalııa jáne Bavarııa shtattarynda nóser jaýyp, saldarynan sý tasyp, 164 adam qaza tapty.

Koblens polısııasynyń málimdeýinshe, Reınland-Pfals shtatynda sý tasqyny kezinde qaza tapqandar sany 117-ge, jaraqat alǵandar sany 749-ǵa jetken. Soltústik Reın-Vestfalııa shtatynyń ishki ister qyzmeti shtatta sý tasqynynan qaza tapqandar sany 47-ge deıin óskenin málimdedi.

21 shildede Qytaıdyń Chjenchjoý qalasyna tolassyz jaýǵan jańbyr saldarynan 12 adam qaıtys bolyp, myńdaǵan adam evakýasııalandy.

Henan provınsııasyndaǵy tasqynnan 500-den astam adam qutqarylyp, 200 myńnan astam adam úılerinen evakýasııalandy. Apattyń vıdeolary áleýmettik jelide tarap jatyr.

– Men Chjenchjoýda turǵaly ómirimde búgingideı jańbyr kórgen emespin, – dedi Van Gırong atty 56 jastaǵy qytaı azamaty.

Bı-bı-sı málimetinshe úsh kúnde Chjenchjoýda jaýǵan nóser mólsheri bir jyldyq jaýyn-shashyn deńgeıine teń bolǵan.