• USD 468.56

  • EUR 497.56

  • RUB 7.3

  • CNY 67.18

29 Naýryz, 15:13:52
Almaty
+35°

Dzıýdodan Tokıo olımpıadasynyń qola júldegeri atanǵan Eldos Smetov ekinshi medaline qatysty oıymen bólisti. Bul týraly Olympic.kz saıty habarlady.

– Shyny kerek, men qola emes, altyn alamyn dep keldim. Rıo olımpıadasynan keıin tatamıden alystap ketpeı, úlken sportta qalýymnyń da bir sebebi osy edi. Kúmisten keıin altyn alǵym keldi. Elimizdiń ánuranyn sharyqtatyp, kók baıraǵymyzdy bıikten kórýdi armandadym. Sol úshin tynbaı eńbek ettim de. Biraq maǵan buıyryp turǵany qola júlde eken, – dedi E. Smetov. 

Dzıýdoshy jartylaı fınaldaǵy jekpe-jegi óte tartysty ótkenin atap ótti.

– Men barymdy saldym. Sportqa arnaǵan osynsha jyldaǵy bar ónerimdi, bar kúshimdi búgin Tokıo tatamıine tastap shyqtym. Boıymda kúreske degen qandaı qasıet bolsa, sonyń birin de aıap qalmadym. Jartylaı fınaldaǵy jekpe-jekti kórdińizder. О́te tartysty ótti. Qaıta-qaıta shabýylǵa ıek artyp, qarsylasymdy tuqyrtýǵa tyrystym. Alaıda, jeńis búgin meniń jaǵymda emes eken.

Iá, japondyq balýan Naohısa Takato menimen kezdesýge fınaldyq beldesýge shyqqandaı daıyndyqpen keldi. Onyń fınalǵa jáne oǵan deıingi jekpe-jekterge qalaı daıyndalǵanyn kórdim. Jartylaı fınalǵa erekshe ásermen bettedi. Ekeýmiz talaı márte kezdesip júrmiz. Bir-birimizdi jaqsy bilemiz. Búgingi beldesýdiń tym uzaqqa sozylǵanynyń sebebi de osy.

2020 jyldyń basynda biz naǵyz babymyzda boldyq. Alaıda, álemdegi pandemııa salqynyn tıgizdi. 8-9 aı boıy birde-bir jarysqa qatysqan joqpyz. Dese de, bul kúnderdiń bári artta qaldy, qıyndyqtyń bárin jeńip shyqtyq. Soǵan qýanamyn, – dep jekpe-jekten keıingi áserin aıtty. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir