Almatyda “qyzyl” mártebesi bar tártip buzýshylardyń esimi jarııalandy

Almaty qalasynyń sanıtarlyq-epıdemıologııalyq baqylaý departamenti "qyzyl" mártebesi bar aıyppul salynǵan turǵyndardyń tizimin jarııalady.

"Qyzyl statýsy" anyqtalǵan 80 turǵynǵa 14 kúndik úı karantınin buzǵany úshin 30 AEK kóleminde aıyppul salynǵan, onyń ishinde 2 turǵynǵa eki ret aıyppul salynǵan.

COVID-19-ǵa tapsyrǵan PTR testi oń nátıje kórsetken almatylyqtar qoǵamdyq oryndarǵa baryp, "ASHYQ" boıynsha jumys isteıtin nysandar (HQKO, meıramhana, fıtnes-ortalyqtar, áýejaı) qyzmetterin paıdalanýǵa tyrysqan. "Qyzyl statýsy" anyqtalǵan atalǵan turǵyndar "ASHYQ" jobasy boıynsha jumys isteıtin obektilerge jiberilmedi.

"Sondyqtan ambýlatorııalyq emdelip jatqan qala turǵyndaryn ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilik tanytýǵa shaqyramyz. Vırýs juqtyrǵan adamdarmen baılanysta bolǵan tulǵalar ózin-ózi oqshaýlaý rejımin saqtaýy jáne basqa adamdarǵa juqtyrmas úshin adam kóp jınalatyn oryndarǵa barmaýy kerek" delingen málimdemesinde.

Almaty qalasynyń aýdandary boıynsha "qyzyl statýsy" bar, 14 kúndik úı karantınin buzyp jáne 30 AEK mólsherinde aıyppulǵa tartylǵan turǵyndar tizimin myna jerden kórýge bolady.