• USD 465.38

  • EUR 483.58

  • RUB 7.69

  • CNY 64.95

26 Qarasha, 19:15:27
Almaty
-4°

Prezıdent ákimshiligi basshysynyń birinshi orynbasary Dáýren Abaev Japonııa astanasy Tokıo qalasynda ótetin olımpıada oıyndarynyń tikeleı kórsetilimine qatysty qandaı másele týyndaǵanyn aıtty.

– Dál qazir Japonııamen kelissóz júrgizilip jatyr. Tikeleı kórsetilim jasaý quqyǵyn satyp alýǵa múmkindigimiz bar dep oılaımyn. Biz azamattarymyz óz sportshylaryna qoldaý kórsetýi úshin bar jaǵdaıdy jasaýǵa tyrysyp jatyrmyz. Másele tek baǵada. Keshegi kúnge deıin bizge joǵary baǵa aıtyp keldi. Kórshi memleketter tóleıtin baǵaǵa qaraǵanda, Qazaqstan 10 ese joǵary baǵa tólep keldi. Bul bizdiń ekonomıkalyq damýymyzben baılanysty boldy. Azamattarymyz úkimetti sporttyq merekeden aıyryp jatyr dep kinálaýy múmkin. Biraq biz salyq tóleýshilerdiń qarjysyn únemdegimiz keledi. Meniń oıymsha bul másele jaqyn arada sheshiledi, – dedi Dáýren Abaev.

"Qazaqstan", "Qazsport", "Habar" telearnalary Tokıoda ótetin HHHII jazǵy Olımpıada oıyndaryn el aýmaǵynda kórsetý quqyǵyn ıelengen "Dentsu Inc." kompanııasymen kelisimge kele almady. Resmı arnalar kelisimniń uzaqqa sozylý sebebin lısenzııa baǵasy 2016 jáne 2018 jyldardaǵy Olımpıada oıyndarymen salystyrǵanda 123 paıyzǵa qymbattaǵanymyn baılanystyrady. Bıylǵy translıasııa quny Qazaqstan úshin 7,5 mln dollarǵa baǵalanǵan.

Qoǵamda Qazaqstan ózin damyǵan el, Orta Azııanyń kóshbasshysy retinde kórsetpese, oıyndar kórsetilimi úshin Qazaqstanǵa qymbat baǵa usynylmaýshy edi degen pikir bar.

Tokıo olımpıadasy 23 shilde 8 tamyz aralyǵynda ótedi.

 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir