• USD 431.41

  • EUR 452.94

  • RUB 6.92

  • CNY 63.83

20 Mamyr, 10:48:57
Almaty
+20°

Maǵan erik berilse, barlyǵyna vaksına saldyratyn edim. Bulaı dep densaýlyq saqtaý mınıstrligi Alekseı Soı "Vremıa" gazetine bergen suhbat barysynda aıtty.

Ol kúzge deıin 10 mıllıon adam vaksına saldyryp úlgeredi degenge áli de úmitpen qaraıtynyn, biraq Qazaqstan quqyqtyq memleket bolǵandyqtan, eshkimdi májbúrleı almaıtynyn, azamattar vaksına saldyrýǵa sanaly túrde kelgenin qalaıtynyn jetkizdi.

Sondaı-aq ol kúzge deıin 10 mıllıon adam vaksına saldyryp úlgermese kreslosynan aıyrylyp qalýdan qoryqpaıtynyn atap ótti.

– Máseleni barlyǵy kareraǵa ákep tiregisi keledi. Biz adamdarǵa vaksınany kúshtep salǵyza almaımyz. Tek meılinshe túsindiremiz. Men taǵaıyndalǵaly ókinishke qaraı, otbasymdy kórmeımin. Bizdiń ujym táýlik boıy jumys isteıdi. Kovıdten bólek kóptegen júıeli máselelerdi sheshýmen shuǵyldanamyz. Al qyzmetti basshylyqtyń senimi dep qabyldaımyn. Paıdamyzdy tıgizip turǵanda jumysty isteı beremiz. Mınıstr kreslosyn joǵaltýdan qoryqpaımyn. Kez kelgen taǵaıyndaýdyń basy men sońy bolady, – dedi ol.

Buǵan deıin Alekseı Soı qyrkúıekke deıin 10 mıllıon adamdy vaksınalaý josparlanyp otyrǵanyn málimdegen edi. Alaıda jospar oryndalmaı túri bar. 22 shildedegi málimetke saı, Qazaqstanda 5 009 408 adam vaksınanyń birinshi komponentin, 2 992 214 adam ekinshi komponentin saldyrǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir