• USD 424.85

  • EUR 504.21

  • RUB 5.84

  • CNY 65.86

27 Qarasha, 14:14:07
Almaty

Bilim jáne ǵylym mınıstrligi jańa oqý jylyna daıyndyqqa qatysty usynystar ázirledi. Qazir óńirlerde daıyndyq jumystary júrgizilip jatyr.

Buǵan deıin prezıdent Qasym-Jomart Toqaev oqýshylar men stýdentterdi dástúrli formatta oqytýǵa daıyndyqty qamtamasyz etýdi tapsyrǵan bolatyn.

– Árbir ákimdiktiń bilim basqarmasy men bilim berý uıymdarynyń pandemııa kezinde sanıtarlyq talaptardy saqtaı otyryp, kezekshi synyptar men mektepterdiń jumysyn uıymdastyrýda tájirıbesi bar. Degenmen, kúndizgi oqý prosesin uıymdastyrý máselesine úlken jaýapkershilikpen qaraý kerek. Bastysy – balalardyń densaýlyǵy. Sondyqtan ár synyp basqa kabınetke aýyspaı, óz kabınetinde oqıdy. Oqýshylar da muǵalimder sııaqty betperde kıedi. Úzilister ártúrli ýaqytta bolady, qajet bolǵan jaǵdaıda qosymsha aýysymdar engiziledi. Kireberiste temperatýrany ólsheıtin jáne dezınfeksııalyq quraldardyń bolýy mindetti. Sondaı-aq oqýshylardyń bilim olqylyqtaryn toltyrý boıynsha pedagogterdiń kólemdi jumys júrgizýi mańyzdy, – dedi BǴM Mektepke deıingi jáne orta bilim komıteti tóraǵasynyń orynbasary Jomart Qarambaev.

Mınıstrliktiń habarlaýynsha, sabaq kestesi sanıtarlyq talaptardy eskere otyryp jasalýy kerek. Bilim berý uıymdary buqaralyq, mádenı jáne sporttyq is-sharalardy ótkizýdi shekteýi qajet. Dástúrli oqytý formatynda mektep formasy burynǵydaı saqtalady.

"Sanıtarlyq qyzmettiń talaby boıynsha aldaǵy oqý jylynda mektepterdi ashý sharttarynyń biri – muǵalimder men qyzmetkerlerdi vaksınasııalaý.

Bilim berý uıymdaryn dástúrli formatqa qaıtarý eldegi sanıtarlyq-epıdemıologııalyq jaǵdaıǵa baılanysty. Oqytý formaty týraly sheshimdi koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııa, eldiń bas sanıtar dárigeri jáne óńirlerdiń bas sanıtar dárigerleri qabyldaıdy" delingen habarlamada.

– О́tken jyly oqytý formaty epıdemıologııalyq jaǵdaıǵa baılanysty ózgerip otyrǵany esterińizde bolar. Keıbir oqýshylar qashyqtan bilim aldy, bir bóligi aralas formatta oqydy. Epıdemıologııalyq jaǵdaı jeńildep, dástúrli oqýǵa múmkindik bolǵan kezde keıbir oqýshylar kezekshi synyptarǵa bardy. Iаǵnı, elde jappaı qashyqtan oqytý bolǵan joq. Is júzinde orta eseppen 4000-ǵa jýyq shaǵyn aýyldaǵy mektepter jyl boıy dástúrli formatta oqytyldy. Dástúrli formatta oqıtyndardyń jalpy sany kezekshi synyptardy qosa alǵanda birinshi toqsanda 1 mln bala bolsa, tórtinshi toqsanda 2 mln balaǵa deıin jetti, – dedi Jomart Qarambaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir