"Delta shtammy tez taralýda". Almatyda epıdahýal nasharlady

Pandemııa bastalǵaly Almatyda aýrý juqtyrýdyń eń joǵary kórsetkishi tirkeldi. Sońǵy táýlikte myń adamnan koronavırýs anyqtalǵan. Bul týraly qala ákimshiligiń baspasóz qyzmeti habarlady.

"Salystyrmaly túrde aıtsaq, koronavırýs ınfeksııasynyń birinshi jáne ekinshi tolqynynda qalada táýligine 500-700 adam indet juqtyrǵan. Al shildeniń úsh aptasynda aýyrǵandardyń sany 4 ese ósti. Ásirese delta shtammynyń tez taralyp jatqany baıqalady" delingen habarlamada.

Qazirgi ýaqytta qala ákimdigi qaladaǵy densaýlyq saqtaý júıesin aýrýmen kúreske jumyldyryp jatqanyn málim etti. Aýrýhanalardaǵy tósek oryndardy sanap, olardy iske qosý qolǵa alyndy.

"Qalada ujymdyq ımmýnıtet qalyptastyrýdyń baıaý júrýi jappaı aýrý juqtyrýǵa ákelip otyr.

Sondyqtan ákimdik almatylyqtardy vaksına alýǵa shaqyrdy. Bazarlar, qoǵamdyq kólik, qoǵamdyq tamaqtaný oryndary men adamdar kóp jınalatyn demalys saıabaqtary ınfeksııa juqtyratyn negizgi oryndar bolyp otyr" delingen ákimshilik taratqan habarlamada.