• USD 424.85

  • EUR 504.21

  • RUB 5.84

  • CNY 65.86

26 Qyrkúıek, 07:15:30
Almaty
+10°

Densaýlyq saqtaý mınıstri Alekseı Soı Germanııa, AQSh, Qytaı bıotehnologııalyq kompanııalarynyń birlesken ónimi sanalatyn Pfizer vaksınasynyń alǵashqy partııasyn 12-18 jas aralyǵyndaǵy balalarǵa salý josparlanyp otyrǵanyn málim etti. Bul týraly ol "Vremıa" gazetine bergen suhbat barysynda aıtty.

Onyń sózinshe, Pfizer 12-18 jas aralyǵyndaǵy topqa salý usynylǵan jalǵyz vaksına. Statıstıkaǵa saı, Qazaqstanda osy jas mólsherine sáıkes keletin eki mıllıonnan astam bala bar.

Soı balalarǵa vaksına salý ata-analardyń kelisimimen júzege asatynyn, vaksına artylyp jatsa, úlkenderge de salynatynyn aıtty.

Sondaı-aq ol qazirgi tańda elde qoljetimdi vaksınalar sapasy jóninen Pfizer-den artyq bolmasa, kem emes ekenin jetkizdi.

– Pfizer kútip júrgender úshin basty krıterıı vaksına pasportynyń moıyndalýy bolyp otyr. Alaıda bizdiń óndirýshiler bul máselemen belsendi jumys istep jatyr. Bul vaksınalar Dúnıejúzilik densaýlyq saqtaý uıymyna tirkelgen kezde kóptegen máseleler kún tártibinen túsedi. Koronavırýs bizge ýaqyt qaldyrmaıtynyn túsinýimiz kerek. Qazir kovıdpen aýyrǵandardyń 98 paıyzy vaksına saldyrmaǵandar ekenin kórip otyrmyz. Sondyqtan kútýdiń máni bar ma? Esh máni joq. Sizder ózderińizdi qorǵaý múmkindigin jiberip alasyzdar. Adamdardyń vaksına shynaıy qorǵanys ekenin túsingeni biz úshin asa mańyzdy. Árıne, naryqta budan da kóbirek vaksına bolǵanyn qalaımyz, biraq bul jerde brend emes, tıimdilik mańyzdy, –  deıdi ol.

"Qamshy" silteıdi
Ilmek sózder: koronavırýs vaksına

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir