• USD 422.01

  • EUR 452.06

  • RUB 6.75

  • CNY 62.72

26 Mamyr, 20:19:42
Almaty
+25°

Jambyl oblysynyń ákimi Berdibek Saparbaev halyqqa esep berý kezdesýi kezinde minberdegi eltańbanyń qulaý oqıǵasynyń mán-jaıyn túsindirdi.

– Bizde bir nárseni taýyp alady da, qoımaıdy sosyn. Men bylaı aıtar edim: "Saparbaev patrıot emes" deıdi ǵoı mysaly. Men sol adamǵa: "Sen patrıot bolyp Qazaqstanǵa ne istediń? О́zińniń ultyńa ne istediń, aıtshy? Naǵyz patrıotsyń, sóılegende qatyrasyń" der edim. Men 30 jylda kishkene eńbek etken shyǵarmyn. Birinshiden, qazaq retinde, ekinshiden, Qazaqstan azamaty retinde.

Al eltańbaǵa baılanysty aıtar bolsam, ústime bárin qoıyp qoıdy (petlıchka-red). Men arǵy jerde esep berip turmyn. Bireý suraq qoıdy. Bir ýaqytta bir nárse saldyr-gúldir ete qaldy. Sosyn men jigitterge "mynany alsańdarshy" dedim. Men ony eltańba ekenin bilgen joqpyn, aldymda (minberdiń aldynda-red) tur ǵoı, men bergi jaǵynda turmyn. Men oǵan barý úshin mynanyń bárin sheshýim kerek. Sóıtip barýym kerek. Ony kóterdi, qarasam eltańba. Oǵan mán bergen joqpyn, ary qaraı jalǵasyp ketti, – dedi Saparbaev jýrnalıst Nartaı Aralbaıulyna bergen suhbat barysynda. 

Berdibek Saparbaev 19 aqpan kúni onlaın formatta halyqqa esep berip turǵan kezde yńǵaısyz jaǵdaıǵa tap bolǵan. Tikeleı efırde ákim turǵyndar tarapynan kelip túsken suraqtarǵa jaýap berip jatqanda minberge jelimdelgen eltańba kenet ózinen-ózi jerge qulap túsken. Sóıtip edi Saparbaev qol astyndaǵy qyzmetkerlerine "Alsaıshy anany" dep buıyra sóıledi de, suraqtarǵa jaýap berýin jalǵastyrǵan. Bul oqıǵa áleýmettik jelide qyzý talqyǵa tústi. Keı qoldanýshylar Saparbaevtyń jekip sóıleýi Qazaqstan bıligindegi bastyq pen onyń qolastyndaǵylary arasyndaǵy qarym-qatynasty búkpesiz kórsetti dep sanaıdy.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir